صدقينى يا بابى انا بحبك.....بس مضطر لكده

انا جيت من تانى بقى وقلت اكتب تانى وااجل موضوع الفلاشات ده شويه

المهم بقى

هحكيلكم على موقف حصلى عالنت النهارده بس هو ده اللى بيحصل الايام دى عندنا

ادخل فالموضوع بقى

النهارده كان الجو حر اوى وكان يوم خنيق جدا فانا يعتبر نايمه اليوم لحد الساعه 7.30 المغرب كده فقلت اقعد عالنت بقى

المهم لقيت وحده بتكلمنى اميلها من منضاف عندى فبقولها انتى مين وجبتى اميلى منين

قالتلى انا يارا من ليبيا وجبت اميلك من الياهو سيرش

بقولها واشمعنى اميلى انا اللى اختارتيه بعنى

قالتلى اصل ده قريب من اميل حبيبى فقلت اكلمك شويه

قلتلها اوك ولا يهمك

المهم قلت فى بالى اما اشوفها عايزة ايه مع انى بطلت الشات من زمان بس قلت مش هياثر مادام بنت

فقعدنا نتكلم كلام عادى تعارف وكده

المهم بعدها قالتلى انا عايزة احكيلك حاجه بس مش تفهمينى غلط وكده قلتلها اوك اتفضلى

قالتلى انا كنت بحب واحد ومتعلقه بيه جدا ومكنش بيقولى اى حاجه غير انى انفذهاله علشان ميزعلش

فقطعتها فالنصف وقلتلها وانتى فين شخصيتك

قالتلى مش مهم شخصيتى المهم انى ارضيه

• مستغربتش كتير لانى اعرف ناس كتيره كده فقلت مجتش عليه

فقلتها كملى

راحت بيقولى فانا عارفاه بقالى تلت سنين فطلب منى انى اروح له البيت فانا رفضت فالاول بس لقيته عرفنى على اخته فاطمنت وبقيت بروح على انى راحه لاخته ومن هنا اعرف اقعد معاه

قلتلها واهله مش بيكونوا فالبيت ؟؟

قالتلى لا اصل هما عندهم شقتين وهى بتقعد فى شقه فاضيه وهو بيجى يقعد معان

ا قلتلها اه كملى

فقالتلى فى مره روحت ملقتش اخته فخفت ادخل بس دخلت علشان خاطره

قلتلها خاطره ايه انتى مش مسلمه قالتلى اه مسلمه قلتلها طيب مستمعتيش عن ما اجتمع رجل وامراه الا وكان ثالثهما الشيطان

قالتلى اصلى بحبه اوى

قلتلها اه بتحبيه انتى تروحيله من الاول دى غلطتك من الاول

قالتلى طيب اسمعينى بس

قلتلها كملى

فقالت انه عرض عليها انهم يتجوزوا عرفى وكده وقعدت تتكلم كلام غريب شكيت انها بنت وافتكرتها ولد وبيشتغلنى

فقلتلها بصى انا مش مصدقه انك بنت قالتلى اوريكى صورة قلتلها مفيش اكتر من الصور عالنت قلتلها اتكلمى مايك او شغلى كام

قالتلى طيب خلاص هشغلك الكام قلتلها اوك وشغلتها فعلا

المهم قلتلها خلاص اوك وانتى وافقتى على الجواز العرفى ده

قالتلى لا انا خفت ومرضتش بس هو زعل بعدها وقعدت فتره مش يكلمنى وانا اللى كنت بحاول اكلمه ومش بيرضى لحد ما روحت له البيت وصالحته فقالى انا مش هغصبك على حاجه انتى حرة بس انا اتاكدت انك مش بتحبينى

قلتلها ما هو لازم يقولك كده علشان يديكى الامان لحد ما توافقى

قالتلى س هو قعد بعدها متغير اوى ومش بيكلمنى زى الاول لحد ما فى مره قالى انتى لو مجتيش عندى البيت واتجوزنا عرفى مش تكلمينى تانى

قلتلها خلاص يغور فى داهيه انتى اللى هتندمى بعد كده مش هو

قعدت تقولى بس هو وعدنى بالجواز وانا عرفاه كويس بس هو ممكن يكون قال كده علشان صاحيه عمل كده

فقعد انصح فيها وبعدين حسيت انى كلامى مش ماثر فيها واللى اقوله اعيده تانى

فحسيت انها زهقت فقالتلى خلاص انا متشكره جدا و ربنا يستر بس حسيت انها مش مقتنعه وهتعمل زى صحبتها لان صحبتها وقفت

المهم بعدها استغربت اوى قلت ليه الولد لو البنت منفزتش طلبه يبقى مش بتحبه

انما لو هو منفذش طلبها يبقى هو ادرى بمصلحتها وهو اللى بيتكلم صح

وليه فى بنات بتمشى ورا طلبات الولاد على انه حاجه مؤكده مش فيها فصال

انا بقى عايزة اعرف منكم ايه رايكم فى الكلام ده؟؟

وانت بالنسبالك الحب ايه هو؟؟

Wala Kan...........

انا بحب اغنيه ولاكان دى جدا

فقررت انى اعمل فلاشه عليها يارب تعجبكم

فلاشه ولا كان

وقولولى ايه اكتر فلاشه عجبتكم من التلاته اللى عملتهم

سلامى للجميع