إذا اكتشفت خيانة من يحبك وتحبه ... ماذا سوف تفعل ؟
الخيانة بكل معانيها سيئة ومؤلمة , هذا الامر غالبا ما يتحدث عن علاقة الرجل بالمراة . وبكل تاكيد هناك العلاقة بين الصديق وصديقه حين يخونه صديقه ويغدر به في اي امر يتعلق بالوفاء . ولكن في العالم يعرف الجميع , ان الخيانة بين الحبيب والحبيبة هي التي توجع القلب
الى اقصى حد .
فهناك من لا تسامح من الفتيات وهناك من لا يسامح من الشباب , وهناك الزوجة التي يخونها زوجها . ولكن تشير الدراسات ان العلاقة التي تبدا بحب متين وبدون علاقة غير شرعية قبل الخطوبة في حال تمت , فانها تكون اقوى العلاقات العاطفية التي ستثبت انها الاعمق . وهي في حالة الخيانة تكتسح الطرفين بتدمير شخصياتهم وحياتهم وبما في ذلك الاكتئاب غير المسبوق له.
السؤال : اذا اكتشفت خيانه من تحب. ماذا تفعل ؟
1-هل تسامحه
2- هل تنتقم منه
3- لا اعرف.ولمـــــــــــــــاذا؟؟؟
مستنيه جوابكم
20 comments:
خيانة اية دلوقتي هو حد فاضي يخون التاني احنا المهم نشجع المنتخب علشان ربنا يكرمنا
سلامي
ولا هسامحة ولا هنتقم بس هحاول أنسى و أبعد عنة
اديك يا عم شجعت وكسبت وربنا كرمكم
مبروووووووووووك
ثانيا
شكرا على ردك وعلى رايك يا احمد
وده حل مناسب بس مس الكل يقدر يعمل كده لان ساعتها الجرح بيكون كبير
مرمر موضوعك جامد جدااااااااااااا
بالنسبة ليا انا عندى خيانة الصديق اكتر خيانة ممكن تتعبنى
بالنسبة ليا بقى لو حبيبتى خانتنى
بجد هحاول اتغلب على شيطانى وانسى لان الجرح اكيد مش هيكون بسيط بالنسبة ليا
بس انا هحاول انسى ومش هأذيها زى ماهى اذتنى
مشكورة يا مروة جدا على موضوعك
اممممممممممم
موضوع صعب ومؤلم فعلا يا مروة
انا شخصيا الخيانة دى يتدمرنى وخاصة انى جربتها من الأصدقاء وفعلا صعبة جدا جدا
تخيلى بقى من الحبيب هتبقى إزاى
انا فى رأى اللى يخون ما يستاهلش نفكر فيه اصلا
انا عارفة ان ده صعب بس لازم نحاول لأنه فعلا خسارة نفكر فيه
ومع الوقت نحاول نسامحه عشان احنا نستريح فى حياتنا بس مش نرجع له تانى
بالنسبة للإرتباط ده انا اللى اعرفه حب العشرة اقوى من اى حب لأن الواحد بيحب الشخص اللى معاه بكل ما فيه عيوبه قبل مميزاته
ده رأيى وممكن تختلفوا معايا
وربنا يوفق الجميع
مروه الموضوع مهم جدااااااااا وصعب النقاش فيه
انا جربت خيانة الصديقه وحقيقى بتوجع بس مجرد ماحسيت انها عايزه ترجعلى سامحتها وتعاملت معاها زى الاول اما خيانة الحبيب فصعب ان الواحده تنساها بس صدقونى وعن تجربه اللى بيحب بيسامح وعمره مابيقدر يكره انا يعتبر مريت بشبه خيانه مش خيانه بمعناهاانه غدر بيه لكن كان ليه مبرراته الصادقه علشان كده سامحته وعلى فكره موضوع التسامح ده بيختلف من شخصيه لشخصيه وكمان حسب درجة الحب ودرجة العلاقه نفسها كانت ازاى لكن عن نفسى اكيد هسامح
انا سمراللى بعت التعليق اللى فات يامروه
السلام عليكم
ازيك يا مروه .. يارب تكونى بخير وتكونى كويسه ... يااااااااااااااارب
مواضيعك هنا كلها كويسه .. وكتير بتعبر عن اللى جوا ناس كتير مننا
بالنسبه للخيانه
--- الاول تعقيب :: انتى كاتبه فى السؤال "خيانة من يحبك " وطبعا مش هيخونك الا واحد بيكرهك او خلاص نسى انو بيحبك
نتكلم فى الاجابه بقا
والله لو انا بحب واحد وخاننى .. مش هجيب كل اللوم عليه واقول انو خاين
لكن الاول هبص ايه اللى خلاه يعمل كده ---> مش جايز ده عيب فيا او غلط من عندى
طيب لو مش فيه عيب فيا "هشوف ايه اللى خلاه يعمل كده " يعنى ممكن شيطان عمل كده فى ساعات كده الواحد مش بيحص هو فيه ايه
أخيرا وده المهم عندى انو اللى هعملو هيكون على حسب الخيانه دى ايه
بمعنى انها لو حاجه خفيفه وممكن تتنسى انا هتجاهلها ولو رجعلى تانى هسامحو طبعا .. لكن الرجوع المره دى هيكون بحذر جدااااااااااا
ولو حاجه كبيره : بلاش اقوللك انى ممكن اقف معاه فيها واثبتلو انى أقوى منو وكمان أحسن منو وساعتها هو اللى هيتحسر مش انا
سلامى ليكى يا مروه
مع تحياتى
اخوكى للأبد;
م/مصطفى جوده
بصى يا مرمر هو طالما خانك او فكر فى الخيانه دى نفسهايبقى حبه قل واهتمامة قل
بس يا ترى ايه السبب فى كده بئه المفروض نعرف السبب والعيب من مين بالظبط
بالنسبه ليا بئه انا صعب جدا انى اسامح حد وممكن ارجع معاه زى الاول بس ببقى شايله منه برده وبفضل فاكره اى موقف حصل ولو بسيط بس دى طبيعتى ومع انى بحاول اغيرها بس وبحاول ابص للموضوع من وحه نظر اللى قدامى بس برده صعب انى اسامح بدرجة 100%اى حد لان مهما حصل فده مش مبرر للخيانه
معلش طولت عليكى بئه استحملينى
سلام ياجميل وشكرا على البوست الجميل
صفا
اللى يحب لا يمكن بكره
اللى يحب لا يمكن يقسي
وبرضه اللى يحب لا يمكن ينسي
الحب شعور سامي ما بيخليش فى القلب مكان للحقد او الكره
لو حد خاني صديق كان او حبيب
هسامح اكيد
حتى لو اتجرحت بس عادي مسامح بس مش هنرجع زى الاول ( ممكن لو حبيب نرجع ) بس لازم اسامح علشان مجرد انى حبيته او اخدته كصديق مينفعش بعدها اكرهه او اتمني ارد له اللى عمله فيا
مهما كان الجرح كبير اقسي حاجة هعملها انى هبعد ويمكن قلبي يشيل منه لكن عمري ما هفكر اجرح زى ما اتجرحت
مش هخلي حد فى يوم حبيته يعيش احساس مؤلم زى اللى انا عيشته
معلش الرد يمكن مش مترتب بس الافكار كانت عايزة ترتيب وموضوع بحاله بس دا رأيي يعني
تحياتي كتير
تشي
اولا احمد عمر
صح هى اكبر خيانه تاثر فى الانسان هى خيانة الصديق لانك ساعتها بتعتبرة اكتر من اخ وبتهيقلى بيكون لها اثر اكبر من خيانه الحبيب
وبعد الشر بقى لو حد خانك حاول تتغلب على شيطانك ومش تجرحه زى ما هو جرحك
شكرا على ردك
ثانيا نور
لا يا نور مش هختلف معاكى علشان رايك انا متفقه معاه جدا
وربنا يكفينا شر الخيانة
ثالثا سمورة
مش عارفه يا سمر الواحد هيسامح بالسهوله اللى انتى بتقولى عليها كده ولا لا؟ بس انا عن نفسى مش هعرف اسامح بسهوله كده ولازم هاخد فترة علشان انسى اللى حصل ده وحتى لو نسيت هيكون فى حبه من الحذر
رابعا مصطفى
مصطفى اكيد اى حد فينا هيسال فى الاول عن سبب الخيانة بس تصور انك بحثت ككتير وفى النهايه موصلتش لسبب مقنع هتعمل ايه؟؟ اكيد ساعتها مش هتقعد تعيط عليه ساعتها هتنسى اللى حصل وترميه ورا ظهرك ولا كان شىء قد حدث
واكيد لو اللى خانى رجع علشان اسامحه اكيد هسامحه بس بشويه من الحذر
خاممسا صفا
انا متفقه معاكى فى كل كلمة انتى قولتيها وانا برده مش هنسى بسرعه
ورايك قريب من راى نور وانا قلت رايى قبل كده
سادسا تشى
انا عارفه يا احمد ان اللى يحب عمرة ما يكره ولا حتى ينسى
وانا مقلتش ان اللى يخونك اكره او حاول تنتقم منه بس مترجعلوش بسهوله وحتى لو رجعتم لازم يكون فيه حذر
شكرا ليكم كلكم على ردودكم
وبجد ردودكم كله ا جميله سواء متفقه معاكم او لا ؟؟
مممممممممممممممممممممم
بتهيأ لي الاحسن انه اروح اقعد في مكان بعيييييييييييييد مفيهوش حد
لا الانتقام حيفيد و لا حتي اني اسامحه مالهوش لازمة
حاهرب بأحزاني
سلام يا مرمر
منور يا فهمى
بس برده الهرب مش حل
لانك مسيرك هترجع وهتشوف اللى خانك هتعمل ايه؟؟
لازم تاخد قرار ينفع فى كل الاحوال
الخيانه دى شئ صعب انه الواحد يتعرضه ورد الفعل اكيد بيختلف من شخص للتانى .بس انا فى وجهه نظرى انه الواحد ينسى افضل شئ ولوانه النسيان اكيد بيكون اصعب الخيارات ولكنه افضلهم .
ازيك يا جميل موضوع جميل اووى
بس الصورة بتاع الموضوع صعبة اوى اوى وى
انا بتهيألى هسامح بس اكيد مش هنبقه زى الاول تدريجيا ممكن الجرح يختفى لو اختفى خلاص لسه بيألمنى يبقه هبعد احسن
ميرسى جداا على موضوعك
تحياتى
اهلا يا expired love ...
اولا وحشاااااانى مووووت بجد
ثانيا النسيان برده حلو وانك تبدأى حياه جديده بس مش كل الناس تقدر تنسى بسهوله لان جرح الخيانة مش بيكون هين (بسيط)
ثانيا ايمى
وحشانى كتير برده
ايمى على ما اظن مفيش حد بينجرح وبيسامح بسهوله كده حتى لو كان بيحب بجد
وشكرا على ردك
تحياتى للجميع
انا بقى هقول رايى :
انا بصراحه مش هسامح بسهوله انا هبعد عنه شويه لحد ما يرجع بالنسبالى مجرد زميل او اقل من كده كمان وبعد كده بقى هسامحه
وانا بطبعتى بغضب بسرعه وبعدين برجع لطبيعتى وبصفى
يلا كفايه عليكم واستنوا موضوعى الجديد بقى
انا عن نفسى هانتقم و أنتقامى مس هايبقى سهل أبدآ
اهلا بلازا بوى
بس الانتقام مش بيكون حلو فى كل الاوقات
لانها ممكن هى كمان نتنقم وهيتقلب من حب الى كره ثم الى انتقام ثم الى تار
شكرا ليك
بصراحة موضوعكوا جى فى وقته بس عاوزة اقولكم ان الخيانة اصعب جرح بالدنيا وخصوصا لو حبيبك هو الا خانك واعمل ايه انا ماقدرتش اعمل اى حاجة مشيت شافنى ومشيت رغم انه كان ادامى بس كل الا حاسه انى بموت وقلبى بيوجعنى قوى ولا عارفة انساه ولا عارفه اعمل اى حاجة غير انى موجوعة قوى لدرجة انى بتمنى انى اموت بس الا عارفة كويس ان ربنا ما بضيعش حق حد وخصوصا لو كنت صادق وربنا يعلم انك تفقد حد بتحبه اهون كتير ما تحب حد ويطلع خاين وغير جدير باى شى ومفيش مبرر للخيانة باى حال لان ببساطة كل حاجة ليها حل ونقدر نقول عاوزين نكمل او لا حابين او لا مش قادرين نكمل او لا لكن نخون ونجرح وننسى ونرمى وندوس برجلينا على حد حبك وضحى واستغنا واتنازل واستحمل وحبك ما افتكرش فى الدنيا مبرر لحد يخون والا عنده حل ليا اقدر اعمله يقولى لان ربنا يعلم بحالى ووجعى
Post a Comment