يااااااااه انت لسه فاكر؟

النهارده يا جماعه حصل موقف جديد خالص

طبعا النهارده كان السبت وكان ورايا امتحان مالتى ميديا فانا روحت كانت الساعه 8.30 فملقتش حد غير تلت بنات قاعدين على باب المدرج فنزلت جبت المفتاح

وبعدين حجزت فى تالت بنش بتصل بصحابى قالوا كده نتبرى منك اقعدى فالاخر فخدت حاجتى ونزلت

فالدكتور جه وانا تحت بس كنت بتكلم مع نسمه فشفناه طلع وطلعنا وراه بشويه فقعدنا فى اخر بنش
وجايه من 8.30
هههههههههههههههههههههههه

المهم مدناش امتحان وقال هيتكلم عالمنهج وكده
فانا ونسمه وجيهان طبعا قاعدين فى اخر بنش ومش سامعين حاجه قعدنا نحكى ونضحك ونلعب ونسمع اغانى وعملنا كل اللى نفسنا فيه
فى اخر المحاضره خالص لقينا بنت لسه مخطوبه فقعدنا نلبس الدبله بتاعتها وميتين ضحك

ومره وحده
ام اخضر وام احمر يقفوا
طبعا مش هنعمل عبده الاهبل
وقفنا واحنا ميتين ضحك
اطلعوا بره
طبعا لازم ادى كومنت فقلتله طيب اخر مره قالى لا قلتله احسن
فوحدنا خارجين جيهان قالت هتسبونى لمين؟؟ راحت نسمه قالت لها وام اصفر كمان
ههههههههههههههههههه

فخرجنا احنا التلاته فالدكتور بيبص لجيهان باستغراب قالتله نقف هنا ولا بره روحت قيلالها بره قالها لا بره خالص

طبعا اول مره يحصلى كده وخارجه ميته من الضحك
فروحنا اشترينا شيبسى
فبعد ما قعدنا عملنا حوار مع الطلبه المطرودين
وكانت المذيعه جيهان
فطبعا انا اعترفت بالحقيقه وقلت ان هو طردنا علشان ملناش قرايب مهمين
حسبنا الله ونعم الوكيل
هههههههههههههههههه

وانهالت علينا الرسايل الناس بتحسدنا انه طردنا لانهم مش فاهمين حاجه
هههههههههههههههههههه

فبعد ما خرجوا الشماته فى عيون البشر الوحشه
ههههههههه


يارب اللى شمت فينا المره الجايه يطرد هو كمان بس يتهزق كمان
علشان تبقى فضيحه بجلاجل
ههههههههههههههههههه

كان زمان

اهداء لكل خاين من نانسى عجرم

الاغنيه من هنا

عشقتك وجرحتى ... عشقتك بكل كيانى ... وبايدك ضيعتنى ... ودلوقتى راجع تانى

بعد جراحى واحزانى ... بدموعك تترجانى ...جرحك ليا خلانى ...... كرهتك ومش عايزااااااااااك

زمان كان عندى قلب يوم ما ملكته جيت فى ثانيه نسيته.....معدش فى قلبى حب وانا بعد قساوتك ايوة انا قسيته ..... زمان كان عندى قلب حب الحياه

زمان كان عندى قلب يوم ما ملكته جيت فى ثانيه نسيته.....معدش فى قلبى حب وانا بعد قساوتك ايوة انا قسيته ..... زمان كان عندى قلب دلوقتى لاااااااااااا

معدش يقيد البكا كل اللى بنا ده ماضى ........ معدش ما بينا لقا ولو تبكى دم قصادى

انا لو منك انسانى اعشق واخدع من تانى ......حبك مبقاش علشانى كفايه اللى شفته معااااااااك

زمان كان عندى قلب يوم ما ملكته جيت فى ثانيه نسيته.....معدش فى قلبى حب وانا بعد قساوتك ايوة انا قسيته ..... زمان كان عندى قلب حب الحياه

زمان كان عندى قلب يوم ما ملكته جيت فى ثانيه نسيته.....معدش فى قلبى حب وانا بعد قساوتك ايوة انا قسيته ..... زمان كان عندى قلب دلوقتى لاااااااااااا

لــــــــــيــــــــــه؟؟!!؟؟

شكلنا هنسيب بعض قريب ........ ولا قريب ليه ما خلاص

شفتم الجمله دى .........؟؟
طبعا كلكم فسرتوها بمعنى ان اتنين كانوا بيحبوا بعض وسابوا بعض
أنا كنت قاعده متضايقه فبشغل اغانى لقيت الاغنيه دى قلت اسمعها مع انى كنتت عايزة اسمع مضعفتش قصاده
بعدين فكرت فى معنى الجمله فقلت ليه فسرناها بالمعنى ده مع انها تحتوى على اكتر من معنى
* ممكن واحد يكون تعبان وحاسس انه هيموت فبيقول كده لمراته مثلا
كئيبه بقى ههههههه
* ممكن اتنين صحاب حصلت بينهم مشاكل فبيقوله كده
بعدين لاحظت اننا كشباب فالكليه كل حاجه بندخل فيها الحب

لــــــــــيـــــــــــــــه؟؟!!

ملقتش اجابه مقنعه خالص

هحكى ليكم موقف يبين كلامى ده برده
فانا كنت متضايقه وزهقت من الكليه من كام يوم فكنا قاعدين انا وصحبتى فالجامع فدخلت علينا وحده ..تييييييتت.. لقتنا قاعدين وانا كالعاده سانده دماغى على ايدى جت قالتلى بيبو فرقع جيجى من غير ما تسلم حتى فبصيت لها بغباء وروحت غسلاها لدرجه انها مصلتش ومشيت ............ هههههههههههه
مفتريه بقى
بعدين روحت اتاسفتلها بس الكلمه ضايقتنى بجد وكنت قبلها بفكر فالجمله اللى فاتت فانفجرت فيها بس عادى اتاسفتلها وخلاص

دلوقتى انا بسال ليه بقى كل تفكيرنا فالحب ؟؟ ومعرفش مين حب مين ؟؟ ومين فرقع مين ؟؟ ومين ساب مين ؟؟

لـــــــــــــــيــــــــــــــــه؟؟!!

مبرووووووووووووووك

اخيرا وبعد طول الانتظار كبيره عيله ماما اتجوزت

مبروووك لسمر (اختى) و طبعا مبروك لابيه امام

ويارب ايامكم كلها تبقى افراح

الف مليون مبروووووووك

GoOod Bye 4 Ever كنت بحبكم بس ....

بقالى فتره عايزة اكتب عن حاجات جوايا بس مكنتش عايزة اطلع اللى جوايا

لحد ما قربت انفجر وخلاص شلت جوايا كتير

فده اقل كلام ممكن اقوله لكل من كانوا اصدقائى

كنت اظنكم الاصحاب الاوفياء ولكن ؟؟؟

صدقوني يا من كنتم اسميكم اصدقاء لن تكسرني حماقاتكم

فان قلبي اكبر منكم ولست مذنبة اني قدمت الورد لكم وقابلتومني باشواك ادمت ايدي

فلا اسف عليكم ابدا

واليكم كلمات قلبي

ما اسهلها من كلمات وما اصعبها من احاسيس

احاسيس تفت الصخور والحديد

وما اصعبها من حياة عندما يخون الصديق بك ويجعل منك اضحوكة في السن الاخرين

مؤلمة جدا تلك الاحاسيس حتى الموت عندما يكون الطعن في الظهر مؤلمة حتى القسوة عندما

يخونك صديق وعندما تجد اسرارك التي قد امنتها عندة قد انتشرت بين الاخرين

منذ ان ولدنا ونحن نسمع بصداقة والحب والاحترام ويا لها من كلمات

ساحرة تدهش سامعيها لكن

ومع كل الاسف كلة حلم صعب المنال وما تلبث الا ونحن نصحو على طعنات غدر

حقيرة او كذبة تذهب مع ادراج الرياح

فالصداقة والاخوة كليمات ساحرة تختفي خلفها الانياب الحادة

والخناجر المسمومة صداقة كذابة

واحترام زائف وكل شي اكذوبة

اكذوبة عندما يطعنك اقرب الناس اليك ممن كنت تحتمي بهم وتحسهم اقرب اليك من الاخرين

فهل يتحول العسل الى علقمم مر لا اعتقد ذلك ولكنني متاكدة ان الصداقة الزائفة عندما لا

يحترمك الصديق يمكنة ان بيعيك برمشة عين عند اول فرصة سانحة

تقع تحت تاثير الصدمة ويتطاير الدم من ظهرك والسبب خنجر حاقد مسموم

لا تصدق ما تراة عيناك

اقرب الناس اليك هو قاتلك وبخنجر مسموم مزخرف

وكلمات مذهبة يغرسها في ظهرك

فياللعجب ويالة من زمن عندما يخون فية الصديق وكالذئب المسعور ينهش في لحمك

ولا يقدرك او يحترمك

فلمن نعطي الامان ان خاننا اقرب الناس

من يصدق معنا وهل على الدنيا السلام

فكل الذي نبحث عنة هو قلب صادق وانسان يقف معنا

اقرب الناس الذين اصبحوا عديموا احساس كالوحوش مجردون من أي تفكير

او احساس ومشاعر

فلا اسف على خائن

ويارب تعيشوا حياه جديده سعيده احسن من اللى لقتوها معايا

Bye 4 Ever

لا تصدقوا ان الاحلام بلا ثمن فبعض الاحلام ثمنها العمر!!

لاتصدقــوا أن الأحلام بلا ثمن فبعض الأحلام ثمنها العمر !!
عفـــواً..
ليــس بالضرورة أن ننساهم ..
ما دمنا لا نملك قدرة نسيــانهم..
لكننا بالتأكيد نملك قدرة المحـــاولة على نسيانهم..
إذاً.. "فالنحـــــاول"..

التنـــاسي..
تمثيلية غبية نمارسها على الآخريــن..
كي نثبت لهم أننا الأقــوى والأقدر على النسيــان..
إنها تجربة بطيئة ومملة من أجــل اختراع النسيان..
لكنها في معظم الأحيان.. تنجـــح!

لا بأس..
لنتألم قليلاً عند الفـــراق..
أو حتى كثيــراً..
ولنصرخ بصوت مرتفــع..
لكــن.. لماذا لا نعتبر هذه الصرخة.. صرخة الميـــلاد..
و"نحاول"استقــبال الحياة من جديد؟!


حين تغيــب شمس أحلامــكم..
لا تنتظروا شروق شمس جديـــدة..
فقد تتأخر عليكم كثــيراً..
و"حــــاولوا" أنتم أن تبحثوا عنها خلف غيــوم الأيام..
كي لا تضيع سنواتـــكم في ظلمة الانــتظــار!

لسببٍ مــا..
خسرنـــاهم.. ورحلوا..
فأظلمت الدنيا في أعين قلوبنــا..
وضاق الوجود بنــا..
ونعلم جيداً أنهم لــن يعودوا يوماً..
إذاً.. "فالنحــــاول" أن نضيء النور مرة أخرى!


وهذا الطريق يذكرنــا بهم..
فهل نهجر الطريق الذي شهد يوماً فرحة لقاءنا بهم؟
أم نزرع في الطريق وردة حمـــراء..
ونقول له بامتنان شكراً أيها الطريــق؟

تـــرى..

هل "حـــاول" أحدكم وهو عائد إلى نفسه..
بعد أن شيّع جثمان حلم من أحلامه الجميــلة..
أن يمسح دمـــوع قلبه..
ويقبل رأســه في المرآة..
ويقدم لنفسه وردة حمـــراء..
ويردد بينه وبين نفسه:
"اللهم أجرنــي في مصيبتـــي واخلفني خيراً منها"؟

إذا كسرتك الأيام يوماً..
"فحــــاول" أن ترمم نفسك بنفسك..
ولا تمنع نفسك من البكاء..
عند إحساسك برغبة البكاء..
فقدرتك على البكاء "نعمة"..
يحسدك عليها أولئك الذين تبكيـــهم.. ولا يشعرون!


عند الألـــم..
نطرق كل أبواب النسيــان..
فالبعض.. يبــكي كي ينسى..
والبعض.. يضحـــك كي ينسى..
والبعض.. ينـــام كي ينسى..
والبعض.. يتحـــدث بصوت مرتفع كي ينسى..
والبعض.. يصمــت كي ينسى..
والبعض.. يخــــون كي ينسى..
وهو أسوأ أنواع المحاولات.. لأنه بداية الألم وليس نهايته .!!!!

تذكروهم بدفء وحميمية..
ولا تحصوا وجوههم كما يحصي البخيل دنانيره ودراهمه..
كي لا تصابوا بالإحباط عند اكتشاف إفلاس قلوبكم من تلك الوجوه..
و"حـــاولوا" أن ترسموا وجوههم في دفاتركم كالحكايات الجميلة..
واسردوها على قلوبكم قبل النوم..

إذا كان ماضـــيك أسوداً أو مؤلماً..
"فحـــاول" أن تحذفه من تاريخك نهائياً..
وتنكر له قدر استطــاعتك..
وعش بلا ماضِ..
ولا تصدق أن الذي ليس له ماضي..
ليس له حاضر أو مستقبل أبداً..
فالحاضر والمستقبل يكونان أجمل وأفضل..
لو أنك تخلصت وأعلنت براءتك من ماضٍ..سيء..

لا تتحسس رأسك..
حين يُذكر الحـــزن أمامك..
وتظن أنك وحدك المقصود بالحديـــث..
فغيرك كثيــــر..
ولو لمحت مساحة الحزن والألم في داخلهم..
لأيقنت أنك أفضلهم..
وأتفههم ألماً..

اخلعوا الأقنعة جمــيعها..

فلم نعد في حاجة إلى قناع يستر أحزاننا وجروحــنا..
ولنواجه العالم بوجهنــا الحقيقي..
فقمة القـــوة..
أن تواجه الأشياء بوجهك الحقيقي.

مواقف مستفزة

مواقف مستفزة

دى بقى مواقف مستفزة تعتبر بتحصل كل يوم او عالاقل بشوفها

1- تصحى الصبح على صوت وحده بتزعق لعيله صغيره علشان البت صاحتها بدرى شويه

وتقعد تقولها انخمدى بقى اما تكبرى واصحيكى تروحى المدرسه هتروحى بالضرب

زى ما تكون بنتها دى فاهمه بتقول ايه؟؟

ده مش بيحصلى لان اوضى اخر اوضه ولو عملوا فرح فالشارع مش هحس

ههههههههههه

2- تنزل متاخر شويه تلاقى المواصلات زحمه وبعدين لو جه ميكروباص تلاقى الولاد بتنط من الشباك

يعنى لو وقعت وعربيه تانيه جايه من وراك دستك هيبقى كويس

يعنى لازم تنزل فى المواصلات الزخمه ما دام متاخر انزل بدرى

وده معظم الاوقات بشوفه بس لانى لو اتخنقت هطلع بيتنا وانزل فى ميعاد تانى

فاضيه بقى

هههههههههههههههههه

3- تيجى تركب السرفيس تلاقى الراجل يقولك محطه تقوله لا

يقولك كرسى فاضى اهو

هههههههههههههه

امال لو قلت له اه هيعمل ايه؟؟

4- تروح الكليه فتره اولى من 8.30

تلاقى مفيش محاضره ولا سكشن

امال نزلنا ليه؟؟

5- معلش الدكتور حصل له ظروف واتاخر

معلش نستناه والدكتور يجى 11 ومستنينه من 8.30

يقولك مفيش مايك اللى بيتعلق فى القميص والمايك الموجود همسكه فى ايدى

هكتب ولا امسك المايك؟

ده موقف لسه نيو وحاصلى النهارده

قلتله حطه فى جيب القميص

ههههههههههههههههههههههههه

وطبعا لدكتور منفض وعامل مش سامع مع ان صوتى عالى ومسمع

ههههههههههههه

وطبعا مفيش حل غير اننا ننحرف ونسمع اغانى

ههههههههههههههههههه

وياريته اغانى بس وطلعنا اكل وطبعا اللى بياكل لوده يزور

نوزع بقى عاللى جنبنا

ايه ده فى صحابى ورايا لازم تاخدوا

وادينا قعدنا لحد الساعه 1.30

6- ورانا سكشن الساعه 2 هناخده ولا ايه؟؟

نروح للمعيد يقولك الساعه 1.30 هبدا متتاخروش

ونستناه لحد الساعه 2 عادى ما احنا فاضيين

يجى يقعد يشرح ساعه وياريته للى خدناه فالمحاضره

ايه ده يا عم فين المنهح؟؟

لا اصلها مقدمه سريعه كده

يعنى احنا قاعدين فالكليه من الساعه 8.30 لحد الساعه 3.30 علشان مقدمه سريعه

ههههههههههههههههههه

7- خلصنا اللى ورانا

تعالوا ناكل بقى

نجيب سندوتشات من عند الديب

لا بلاش الديب مكلتش من عنده من سنه اولى

ليه بس ده اكله جميل

شفنا فار ماشى فالمحل واحنا بناكل

يا ستى عادى

الفيران احباب الله

هههههههههههههههههههههههه

8- عايزين نروح بيوتنا بقى

اركب انا ووحده صحبتى ونبتدى شغل العيال بقى

انا اللى هدفع لا انا؟

وبعدين مش هتفرق هنركب مع بعض كتير

يجى السواق الخفه خلاص هاتوا انتم الاتنين

طبعا محدش هيرد......يصعب عليه الكسفه اللى هو فيها

يروح قايل واكلين سد الحنك

وامفروض اننا نضحك

9- والله ما انا ركبه فى السرفيس ده انزلى هنركب mcv

تعالى يا ابله ده انا بضحك معاكى

يخليك بتنزل يروح محرك العربيه علشان تقع وانت بتنزل

وطبعا لو ده حصل هديله باللى فى رجلى

ههههههههه

10- روحنا البيت بالسلامه

ياه الحمدلله ده كان يوم خنيق

وقبل ما تحكى للى حصل

متتاخرى كمان شويه انتى ايه بدرى كده ليه

ااااااااه اسطوانه قبل النوم

هههههههههه

ونسمع كلمتين حلوين يعدلوا دماغك

لسه بتفتح الكمبيوتر

ما انتى كنتى لسه معاهم ولا فى كلمتين نسيتى تقوليهم

طبعا بعمل مطرشه وبقعد شويه وبقيت اتخنق من النت

وارووح انام

دى تعتبر يوميات مرمر بس مواقفها المستفزة بس

فى مواقف زى العسل بس بخاف من الحسد فمش بقولها

ههههههههههههههههههه

Yalla See You Later

Take Care Ya BaBy

hahahahahah

تاج الملك تشى اللى توجنى بيه

النهارد هرد على تاج الملك تشى اللى وصانى انى ار عليه وطبعا اشكره عليه

*التاج اهو*

1-عيب فيك ومش نفسك تتخلص منه ع الاطلاق؟؟
الجراءه والاصرار

2-اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله ؟؟

اولا انا مشش هجاوب علي السؤال زى ما جيفارا

انا هجاوب عليه على اساس صحابى اللى بقابلهم وبقعد معاهم واخرج معاهم وكده (يعنى البنات)

ومش بالترتيب

1- اميره : بحسها مروة رقم 2 وبحبها موت

2- مى (ميوش) : من اطيب لناس اللى قبلتهم وبحبها موت

3- مى (efee) : طيبه اوى واللى فى قلبها على لسانها وبحبها موت برده

4- نسمه: جدعه اوى وعسوله وبحبها برده

5- شوشيت وجيجى : طيبين اوى بس ساعات بحسهم مغرورين بس غيرت الفكرة دى اماعرفتهم صح وبحبهم برده

3-أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية ) وبردو جملة لكل واحد فيهم ؟؟

ده هخليه للاولاد اللى اعرفهم فالكليه واللى اتعرفت عليهم عالنت

ومش بالترتيب برده هخليها باللى بالترتيب اللى عرفتهم بيه

1- فهمى باشا : اول اخ عرفته فالكليه وبعزة اوى وطيب اوى

2-عمر باشا : من اطيب الولاد اللى قابلتهم فى الكليه بس مش هقولغير الحلو ميكملش

3- جيفارا: من اغرب الناس اللى قبلتها فى حياتى عنده افكار فى دماغه عايزة قرارات ازاله بس طيب اوى

4- محمد الغنيمى : بنختلف كتير بس فالاول والاخر اخوات

5- عنتر : طيب اوى بس مش بيعرف يتعامل صح وبيحب يعمل نفسه فاهم كل حاجه بس على مين ههههههههه

4- العشرة اللى فوق ... ابعت لكل واحد فيهم رسالة !

ا- اميره : على قد ما بحبك بنصحك بس انتى اختى الصغيره

2-ميوش : قلبك كبير بس متخليش الحب يلغى شخصيك

3- مى : حبى الجديد هههههه كل يوم للساعه 4 فالكليه بنحكى بس بكون مستمتعه بجد

4- نسمه : النوم ثم النوم ثم النوم ههههههههه بس جدعه اوى

5- شوشيت : عسوله وجدعه بس يارب تفضل كده متقلبش عالوش التانى ههههههههههه

جيجى : زى شوشيت ههههههههههههه

6- فهمى : وش السعد هههه وقصير بس مكاااااار وسوسه بس طيب اوى

7- عمر : حدد هدفك ايه ؟؟ وعيد حساباتك تانى علشان متندمش

8- جيفارا : فكر بعقلك شويه وشوف انت عايز ايه.؟؟

9- محمد الغنيمى : حاول تكبر دماغك شويه وتتعامل مع الناس بالواقع اللى احنا عايشينه

10- عنتر : حدد برده انت عايز ايه؟؟ وحاول تغير من اسلوبك شويه لانه بيضاق كتير

انا يعتبر قلت عيوب كل واحد ياريت محدش بجى يسالنى ازاى او ليه

نفصل البلوج عن اى حاجه تانيه

5- العشرة اللى فوق دول اكتب لكل واحد كتاب او اغنية بتعبر عنه فى رايك؟

1- اميره : (يا احلى منهم يا فارقه عنهم.....جامده اوى زى لكتاب ما قال)

2- مى : (فاكر عنيها وضحكتها لمست ايديها وبراءتها ..فاكر زمان)

3- مى ( efee): (قلب واحد مش كفايه فى حبى ليك انت محتاج الف قلب يحس بيك)

4- نسمه : (بحبك كل يوم اكتر من اليوم اللى كان قبله)

5- شوشيت وجيجى : (ضحكت يعنى قلبها مال وخلاص الفرق ما بينا اتشال )

6- فهمى : (بتلف الدنيا بينا .....يارا)

7- عمر : (ادى الحكايه ...اكمل)

8- جيفارا : (حيران .....محمد فؤاد)

9- محمد : (اصعب احساس ...تامر)

10- عنتر : (هتعمل ايه ....شيرين)

6- حاجة وحشة جدا عملتها ف حق حد وما ندمتش عليهاوهتكررها لو حصلت ؟؟

انى اسامح حد جرحنى جرج كبير اوى

7- أكتب رسالة لأي حد او حاجة او شيء او كيان او اياً كان فى الكون بدون اي قيد؟؟

جيت عالوجيعه يا جيفارا بس ما علينا

ههههههههه

هكتب الرساله دى لوحده صحبتى بدون ذكر اسماء وهقولها

على قد ما حبيتك حذرتك اكتر من مرة من صحابك بس اللى انتى عملتيه مش هين ابدا ومش قادره انساه لدرجه انى كنت بحلم بيه

وكمان مش هقدر اخسر اهلى علشانك

الاسئلة بقي علشان الكوبي والبيست

1- عيب فيك ومش نفسك تتخلص منه ع الاطلاق

2- اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله ؟؟

3- أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية ) وبردو جملة لكل واحد فيهم ؟؟

4- العشرة اللى فوق ... ابعت لكل واحد فيهم رسالة !

5- العشرة اللى فوق دول اكتب لكل واحد كتاب او اغنية بتعبر عنه فى رأيك

6- حاجة وحشة جدا عملتها ف حق حد وما ندمتش عليهاوهتكررها لو حصلت ؟؟

7- أكتب رسالة لأي حد او حاجة او شيء او كيان او اياً كان فى الكون بدون اي قيد؟؟

وطبعا فالنهايه ههديه لكل واحد اسمه بلوجه موجود عندى واى زائر جديد داخل عندى

وطبعا ياريت ميكنش فيه زعل من اى حد سواء نسيت اكتب اسمه او تعليقى عليه مش عجبه