Friday, December 28, 2007

ماذا تفعلين عندما تكونين امرأة وحيدة وسط الجنود الامريكان في العراق


عندما تكونين امرأة وحيدة وسط الجنود الامريكان في العراق












نرى من المشهد ان جنديا امريكيا اسود يحمل جندية امريكية بين ذراعيه و3 جنودامريكيين اخرين يربطون يديها ورجليها وحاصرتها بشريط لاصق, ثم يربطونها عند عمود احمر اللون. وفى اثناء الربط, قال الجنود ان هذا مشهد يقع عندما يشعرون بالملل.
بعد ايثاق الجندية من قبل الجنود المريكيين الاخرين على العمود, صرخت هذه الجندية : لا استطيع ان اتنفس, لا تتركونى هنا. والى هنا ينتهى المشهد. وعلى وجوه الجنود ابتسامات ومن المشهد نرى انهم عاملوها بخشونة
اذا كانوا بيعملوا كده فى الامريكان اللى زيهم امال بيعملوا فى الناس التانيه ايه؟؟
امال بيعملوا فى الناس التانيه ايه؟؟

حسبنا الله ونعم الوكيل

Monday, December 24, 2007

كلمه بحبك




كلمة بحبك.....نعرف معناها قبل ما نقولها



إنت عارف يعني إيه كلمة بحب؟

..يعني إيه القلب حب؟

...يعني عين تشتاق لعين

يعني لهفة.. شوق.. حنين

يعني روح بتناجي روح

ليها بالأسرار تبوح

يعني نظرة.. بسمة.. همسة

لمسة بتداوي الجروح

*&*&*&*&*&*&*&*&

إنت عارف يعني إيه كلمة بحب؟

يعني إيه القلب حب؟

.يعني زرعة خضرة طارحة

..يعني فرحة

..يعني بنت جميلة حلوة

..فوق جبينها أحلى طرحة

..يعني نور يملا حياتنا


والايام الجايه احلى


انما حب الايام دى زى اللعبه الجديده اللى بنجيبها للطفل بيفرح بيها فى الاول وبعدين تقدم والطفل يكون عايز لعبه جديده يفرح بيها

انا اسف اذا فى يوم حبيتك


جرالنا ايه لما افترقنا كل واحد راح في حاله...عشت بعدك وانت عايش والزمان ولا شىء جراله


دى اغنيه وليد سعد بس الجمله دى بهديها لكل انسان وياريت نفتكرها على طول




لان الدنيا مش دايمه على حال يعنى مثلا ممكن تلاقى اتنين كانوا بيحبوا بعض اوى وبعدين تلاقيهم سابوا بعض بيحسوا ساعتها ان الدنيا انتهت وتلاقى الخاين قاعد عايش حياته عادى والتانى عايز يموت نفسه
ودة مش ليه مسمه غير الخيانة
مهما حاولت تبرر لنفسك باقتناعك بالخيانة، وبإنك ارتبطت بالشخص الآخر عشان خاطره وعشان إنت عاوز تسانده أو تساعده، فإن المبرر الحقيقي للخيانة بيكون أناني بحت وبعيد جدا عن التضحية..


بس لو افتكرنا الجمله دى هنرمى الدنيا كلها ورا ظهرنا لان دة مش اخر الدنيا
وياريت يا جماعه كل حد مش قادر يكمل مع الطرف التانى (حب يعنى ) ياريت يقوله وبلاش نعيش فى اوهام مش عارفين نهايتها ايه


معلش مش قادرة اكمل الموضوع علشان مش قادره اعبر عن اللى جوايا



Thursday, December 6, 2007

self reading.........

وحده صحبتى لقيتها بعتالى رساله بينك انها خلاص زهقت من الكليه




شوفوا كاتبه ايه:





((منتهى السخافة!!!!!! يقلبوا الشباتر فى المحاضرات ومفيش اى اهتمام وفى الاخر "ياشباب فى امتحان الاسبوع الجاى" وعاوزينا فى الاخر نقول كلام جميل فى حق الكلية وهيه بتقدملنا ايه جميل عشان نقول كلام جميل فى حقها))





ايه رايكم فى الكلام ده؟؟؟





انا معاها فى كلامها لان ده بيحصل حقيقى وبيخنق الواحد كل واحد يدخل يدينا شبترين ولا تلاته

self reading
واللى يفهم خير وبركه واللى ميفهمش يريح والسنه الجايه يفهم براحته يعنى الوقت طويل ادامه




Friday, November 30, 2007

هل تقلبلينى صديقا لكى.....؟؟؟




ايه رايكم فى الجمله دى؟؟

جمله بقت متداوله اوى لدرجة انها بقت ممله كل واحد يشوف وحده فى الشارع مش فى الكليه حتى او عالنت يقولها هل تقبلينى صديقا لكى؟؟؟ وانا هبقى سعيد بذلك

وبعدين ممكن رقم موبايلك علشان ابقى ارن عليكى بس وانا داخل النت او اول ما الدكتور يجى هرن عليكى بس....

وبعدين تعالى نروح مع بعض الدرس وان كان عالنت يبقى انا عايزة اشوفك انا استريحت لطريقه كلامك ..........ومن ده كتييييييييييير



Tuesday, November 27, 2007

غيــــــــــــــــــ الحب ــــــــــرة

انا جالى الرسالتين دول على الميل النهاده فى الاوف لاين وانا كنت حاسه انى معندش بنوع فى مواضيعى فقلت اغير شويه بقى واكتب حبه رومانسى


}
من اجمل ماقرأت عن الغيرة عندما تغار المرآة .. تبكي وعندما يغار الرجل .. يصمت عندما تغار المرآة ,تكره الرجل وعندما يغار
الرجل ,يكره نفسه أحياناً يغار الرجل على امرأة تحبه حتى لو لم يكن يحبها وتغار المرآة على رجل يحبها حتى لو لم تكن تحبه

أجمل أنواع الغيرة غيرة الحب وأسوأ أنواع الغيرة غيرة الحقد من بوادر الغيرة اشتعال المرآة وانطفاء الرجل تسعد المرآة بغيرة
الرجل الذي تحبه وتختنق بغيرة الرجل الذي يحبها ولا تحبه نحن نغار على الذين نحبهم لأننا نحبهم ونغار على الذين يحبوننا! لأننا نحب أنفسنا
{


فانا هبدا باول مشكله بتقابل الناس فى الحب

الغيرة حب أم انانيه؟؟!!
^^
^^
الغيرة غريزة فطريه خلقها الله داخل كل شخص منا مثلها
مثل أي صفه توجد داخلنا
ولكن هناك من تكون هذه الغريزة لديه معقولة وهناك من تتعدى للامعقول
وربما توصف الغيرة بأنها شعور مؤلم عند شخص يرغب في امتلاك حبيب
واحتكار مشاعره وقد تفتك الغيرة بالحبيبين
وتنهي ما كان بينهما
الغيرة شعور مثله مثل كثير من المشاعر والأحاسيس
ولكنها شعور مؤلم إذا تعدى حده وزاد عنه
كثيراً ما نرى المشاكل تنشأ بين الزوجين وبين المحبين بسبب الغيرة
وقد تطغى هذه الغيرة أحياناً وتصل إلى حد الشك والظن والحرمان
وربما ينتهي الحب بين الآخرين بسبب هذه الغيرة إذ أنها قد تولد انعدام الثقة بينهم
نرى الكثير من الناس وخصوصاً المحبين يحبون شعور الغيرة ويحبون الإحساس به ..لماذا؟
أهم بحاجة لأن يتأكدوا من حب من حولهم أو حب من يحبونه ويريدون إثبات هذا الحب عن طريق الغيرة لماذا قد تنقلب الغيرة أحياناً إلى شك؟
بل كثيراً في هذا الزمن أصبحت تنقلب إلى شك لماذا تكون الغيرة زائدة عند البعض ؟
أهي بسبب إنعدام الثقه أم ماذا لماذا تنقلب الغيرة في الغالب إلى مشاكل ؟
جميل أن يشعرنا من نحبه بأنه يغار علينا ولكن ذلك الشيء الجميل سيصبح مدمرا إذا لم نتعقل بما نقوم به من أفعال
وأخيراً أريد أن أجد جواباً
لسؤالي أريد جواباً من تجاربكم فهل الغيره حب أم أنانيه
^^
^^
ليست مشكلتي إن لم يفهم البعض مااعنيه
فهذه قناعاتي .. هذه افكاري
انقل هموم غيري بطرق مختلفه
وليس بالضرورة ماأكتبه يعكس حياتي ..الشخصية
هي في النهاية .. مجرد رؤيه لأفكاري

Thursday, November 15, 2007

الناس تعبانه؟؟؟؟؟


االسلام عليكم ورحمة الله وبركاتة
عن لسان الناس اللى تعبانة من اللى شيفاه حولها
طيب تعبانة ليه؟؟
الحديث دة يتعب
(من راى منكم منكرا فليغيرة)

الناس تعبانة أنها بتشوف منكرات في الشارع عيانا بيانا *ومش عارفه تغيره
>>اهو منكرا ومش عارفه تغيره<<
*الناس تعبانة لانها بتشوف بنات صغيرة واطفال خلاص اندرجوا تحت فئه الكاسيات العارياتوبيبذلوا مجهود أكبر عشان يندرجوا تحت فئة العاريات العاريات!! >>اهو منكرا ومش عارفه تغيره<<
*الناس تعبانة لأنها بتشوف طفلين ولد وبنت ولا شحطين واحد وواحدة برضه واقفين مع بعض في حتة متداريةولا قاعدين ع البحر وحاطط ايده على كتفها ولا ماسكين ايد بعض زي ما يكونوا هيضيعوا من بعض !!>>اهو منكرا ومش عارفه تغيره<<
*الناس تعبانة لأنها بتشوف عيال ماشيين والسجارة في بقهم ، والسلسلة في رقبتهم ، والشتايم القذرة على لسانهم مبتقطعش - شتايم يمكن أنا قعدت كتير معرفش معناها أساسا !!>>اهو منكرا ومش عارفه تغيره<<
*الناس تعبانة من المجاهرين بالذنب ومن أصحاب الألسنة الخبيثة ومن العيال اللي بتتربى على قيمة واحدة هي ( لا للقيم )
*الناس تعبانة لما تفكر : هل سنتحاسب على ده كله ؟ لما نشوف الحاجات دي ونسكت عنها في لحظتها ؟ هل سنتحاسب ؟

*الناس تعبانة لما تفكر في بلد هيبقى رجالتها ونسائها وموظفينها بكرة أكبر حاجة في دماغهم إنه يجيب فيلم إباحي على الموبايل ولا يجيب في سيرة فلانة اللي ماشية مع فلان - ده إذا استثنينا العربيات والنت والكورة !!
مش هاقول طبعا اننا تعبانين من حكومتنا ومن إعلامنا ومن نظامنا التعليمي اللي عملوا كدهلأن دول بندعي عليهم أساسا!!
بندعى على اللي بيروجوا والإباحية ، وبيحاربوا الحجاب بنفس العزيم
بندعى على اللي بيروجوا للبهائيين والقرآنيين والعقائد والأفكار الفاسدة وبيحاربوا الإسلام بنفس القوة
بندعى على اللي معندوش مشكلة فى تعليم الثقافة الجنسية لكن عنده كل المشاكل في تعليم التربية الدينية
سؤال يخطر على ذهن كل من يقرا هذا الموضوع
لما اشوف منكر فى الشارع ومعملش حاجة..موقفى ايه؟؟
حسبنا الله ونعم الوكيل

Sunday, November 11, 2007

اهم مشكلات العصر...؟؟

بسم الله الرحمن الرحيم
مشكله من مشكلات العصر الذي نعيشه وهي
7
7
7
7
7
الاختلاط عبر الانترنت ومن ثم يأتي من بعده الحب والزاوج عبر الانترنت

مماهو معروف ومتداول ان الحب المحرم ياتي عن طريق :
نظرة **فابتسامه**فكلمه**فموعد**فلقاء**فمصيبه كبري
ذلك كان في القدم ولكن مع اختلاف العصر الذي نعيشه نجد ان الحال تغير وهذه الخطوات اختصرت فبدأت من:
كلمه **فموعد**فلقاء

وما اسهل الاختلاط عن طريق الانترنت في العصر الذي نعيش فيه وما اسهل طرق الوصول اليه فعن طريق الشبكه العنكوبيتيه الموجوده في اغلب البيوت يتم التعارف والاختلاط دون مراعاه لاي مباديء ولا اي عادات فاذا نظرنا حولنا نجد الكثير والكثير من مواقع الشات او المحادثه موجوده بل وميسورة اايضا وفي اغلب الاوقات يبدا الموضوع من مجرد الدخول علي موقع شات ثم بعد ذلك محادثه علي الايميل ثم التليفون وبــــــــــــــــــــــــــــعدها اللقاء الاول ...

في بدايه الامر اذا نظرنا الي الشكل العام للمجتمع فهل يقبله المجتمع ؟؟؟وكيف للفتاه تستطيع ان تستأمن شاب لاتعرف عنه شيء وكيف للشاب ان ياخذ كلام الفتاة علي انه محل ثقه علي الرغم من علم كلا الطرفين ان اسهل شيء في مثل علاقات الانترنت هو الكذب والخداع ولكن كلاهما يحاول ان يتناسي ذلك بحجه انه صادق ومادام هو صادق فلابد انا يكون الطرف الاخر هو صادق
من جاء بمثل هذه المعلومات

وكيف للفتاه ان تنسي راي الدين في حرمانيه مثل هذه العلاقات فقد قال تعالي (ولا متخذات اخدانا)
وكررها الله عزوجل في نفس السورة سورة النساء مرتين مرة للفتاه واخري للشاب

ولكن زين الشيطان للفتاه مثل هذه العلاقات وقال لها انها تعتبر طريقه من طرق الزواج ولكن كيف ذلك
ومماهو معروف انه اذا صحت االمقدمات صحت النتائج

ان الشيطان لم يزين للانسان فعل المعصيه منذ الوهله الاولي ولكن لابد له من ان يستدرجه في فعل الحرمات ففي الاول يدخل الشاب او الفتاة بنيه انه سيتكلم مع نفس جنسه ثم بعد ذلك يقول سوف اتحدث مع الجنس الاخر ولكن مع وجود ضوابط ومراعاه عدم تخطيها ثم ......ثم........

كم من القصص التي قرانها التي كانت في بدايتها سعيده وجميله ولكنها انتهت نهايه مأساويه الم ننظر حولنا لنجد الكثير من البيوت التي كان نهايتها الخراب بسبب النت الم نسمع عن الخيانه الالكترونيه
زوج ياتي لزوجته بالانترنت في البيت لكسر الفراغ المحيط بها وبعد ذلك يكتشف سوء استخدامها له وانها تستخدمه للتعارف مع غيره
وكم من الازواج يستخدمون الانترنت لمشاهده الموقع الاباحيه والتي سرعان مايكتشفها الابناء ولا حول ولاقوة الا بالله
وكم من الاخوة قام بالتحدث مع اختها ثم اكتشف انه اخته فأدي ذلك الي انهيار كلاهما
اخي /اختي قارئه فلنخش الله جميعا ولنتذكر تللك المقوله وهي:
ان الزنا دينا فان اقرضه فمن اهل بيتك رده
<< ان الحياة داين تدان فما تفعلة الان يرد اليك ولو طال الزمان >>

وفي الختام اعلموا:
ومن يتقي الله يجعل له مخرجا ويرزقه من حيث لايحتسب

الحب الاخوى..............

السلام عليكم ورحمة الله وبركاته

انا النهارده عايزة اكلمكم على بعض الانواع من الحب وهو الحب الاخوى

ليه كل ما نشوف ولد بيكلم بنت او العكس يبقوا بيحبوا بعض ولو سالنا حد فيهم وقالنا احنا اخوات مش بنبقى مصدقينه ونقول انه بيضحك علينا او مش عايز يحكيلنا

بس انا شايفه ان حب الاخوات احسن انواع الحب لانه بيكون حب خالص من غير اى شوائب
وممكن نسميه برده ارتياح للشخص اللى قدامى او احترام ليه او لقيت فيه حاجة مش لقيتها فى حد تانى مش لازم يبقى حب بالمعنى اللى احنا متعارفين عليه

وانا برده مقتنعه ان ممكن الحب الاخوى ممكن يتحول لحب حقيقى

انا عايزة اعرف رايكم ؟؟؟

معلش انا عايزة اوضح حاجة مش معنى انى كتبت الموضوع ده يبقى دة صح انا كتباه علشان اخد راى الناس وتاناقش ونحاول نقنع بعض

Thursday, November 8, 2007

ليه الفرحه مش بتكمل للاخر

ليه الفرحه مش بتكمل للاخر؟؟؟؟

الحزن بيفضل موجود على طول انما الفرح مش بيدوم خالص ولو لوقت صغير جدا

انا بجد مش عارفه ليه الظاهرة دى موجوده كتير؟؟

الواحد لو كان فى حاجة يحزن عليها يحزن عليها كتييييييير او تحش ان الحزن بيدور على الانسان فين علشان يجيله

انما لو فى حاجة تفرح متقعدش اكتر من ايام والنكد يدور على صحابه تانى

يلا هى الدنيا كده هنعمل ايه يعنى!!!!!!

يلا بلاش اكئبكم اكتر من كدهمعلش بقى استحملونى اصل الواحد بدا يزهق من نفسه ومن العيشه كلها

يلا ربنا يفك الكرب عن الناس كلها

Wednesday, November 7, 2007

للاسف انا مخنوقه جدا

هاااااااااى
الساعه 1.30 والواحد خلاص هيس واليوم كان ماشى حلو من الاول بس جه فى الاخروخرف

انا حاليا مخنوقه شويه علشان فى واحد عمل حاجة غلط وشرب سجاير عمرى ما توقعتها منه بس للاسف عملها وياريته معترف انها غلط بس انا هفضل وراه لحد ما يبطلها زى ما شربها وفاكرها شطارة وفرحان بنفسه اوى

وحجته انه شرب اول سيجاره علشان مخنوق حجة تافهه وملهاش معنى وبقت تقليديه اوى كل اللى يعمل حاجة غلط يبقى مخنوق؟؟

حاجة تخنق بجد

السلام عليكم ورحمة الله وبركاته

السلام عليكم ورحمة الله وبركاته

دة اول موضوع ليا فى البلوج بتاعى ويارب يبقى حلو

انا هكتب فيه يومياتى واى حاجة هتحصل

ويارب نستمتع بيه مع بعض

يلا سلام