كلمة بحبك.....نعرف معناها قبل ما نقولها
إنت عارف يعني إيه كلمة بحب؟
..يعني إيه القلب حب؟
...يعني عين تشتاق لعين
يعني لهفة.. شوق.. حنين
يعني روح بتناجي روح
ليها بالأسرار تبوح
يعني نظرة.. بسمة.. همسة
لمسة بتداوي الجروح
*&*&*&*&*&*&*&*&
إنت عارف يعني إيه كلمة بحب؟
يعني إيه القلب حب؟
.يعني زرعة خضرة طارحة
..يعني فرحة
..يعني بنت جميلة حلوة
..فوق جبينها أحلى طرحة
..يعني نور يملا حياتنا
والايام الجايه احلى
انما حب الايام دى زى اللعبه الجديده اللى بنجيبها للطفل بيفرح بيها فى الاول وبعدين تقدم والطفل يكون عايز لعبه جديده يفرح بيها
7 comments:
الحب ملوش تعريف محدد
الحب نسبي من شخص لأخر
الحب هو بالعموم مشاركة
الحب احتواء الاخر
الحب احساس لا وصف
الحب حب وكفي
مفيش حاجة اسمها حب الايام دي الحب هيفضل للابد الاحساس الاروع لكن احنا اللي بنسيء استخدامه احنا اللى بنحطه فى المكان الغلط احنا اللى غلطانين
على رأي الست
ياللى ظلمتوا الحب وقلتوا عليه مش عارف ايه .........
فعلا الحب الايام دى زى اللعبة لما بتقدم او تتعان بتتنسى معتش حد اصيل ف الزمن دا للاسف ..
معتش حد عارف معنى كلمة بحبك بقت بتتقال ف اى وقت ولاى حد وف اى مكان !! بقت عادية ولما تيجى تتقال بقه مش هنحسها اخدنا عليها وبنسمعها لاى حد
بجد كلمة بحبك دى كلمة فوق الوصف بس نحسها ونقدرها
مشكوورة يامرمر على الاحساس الجميل دا والكلام الرائع
امممممممممممممممم
كلمة بحبك دلوقتى للاسف بقى يقولها اى حد لأى حد او بمعنى آخر الكلمة بكل ما تعنيه من مشاعر واحاسيس دافئة وراقية اهدرت للأسف
بس الحب هيفضل على مرة السنين احلى احساس ممكن يشعر بيه الواحد
وفكرة الحب او التعبير عنه بتختلف من شخص لآخر
الحب نعمة كبييرة من ربنا بس للى يقدرها ويحافظ عليها
احب اشكركم على رايكم كلم
وفعلا الحب حاجة جميله بس اللى يقدرها ويحس بيها
انا سمر عرابى اشكرك فى الاول على كلامك الجميل ده وارائك الصادقه
الحب فعلا شئ جميل جدااا بس للاسف نادر جداااااااااا
لكن منقدرش نقول انه مش موجود لان فعلا فى ناس بتحب من قلبها وبصدق وعلى استعداد انها تضحى باى حاجه عشان الحب ده يكمل بس الناس دى صادقين جدا وفى الوقت نفسه نادرين جدا وعن تجربه انهم حظهم فى الحب قليل جدا جدا جدا
اسفه عالاطاله
اولا اهلا وسهلا بيكى يا سمورة فى البلوج
ويارب يكون عجبك وتفضلى تدخليه على طول
وفعلا الحب احساس جميل واحلى حاجة فى الدنيا بس اما بيكون بجد وصادق ومن القلب
قبل كلامى اوصل سلامى اول كلامى فى حب مين قال ان مفيش حب يا جماعه الحب شئ جميل وكلنا نعرفه بس فى ناس هى اللى بتخلى مفيش حب علشان هما مش عندهم حب اسرع كلمه دلوقتى هى انى بحب
بتحب مين وازاى مش مشكله المهم بالنسبه للبنات كل همهم ان اى شخص يقولهم انه معجب بيها وانه بيحبها بتصدق ليه علشان هى مفكره ان لو مفيش حد حبها تبقى وحشه او انسانه مش كويسه اولا البنت اول حاجه بتحاول تدور عليها انها تحس بانوثتها بس مش مهم بقى بالحب او غيره بس عندها بتسميه حب هنا الغلط وقبل ما كتر فى كلامى
اقولكم سلام
Post a Comment