Friday, July 17, 2009

Wednesday, July 1, 2009

بحبكم كلكم ...........وزياره بوبا

طبعا لانى كنت تعبانه وعامله عمليه والحمدلله بقيت احسن
وبوبا صاحبه واجب طبعاا قالت انها لازم تيجى تزورنى

فطلت عليا بطلتها البهيه هى وهبه صحبتها
بجد كنت مبسوطه اوى انها جايالى

مش قادره اوصف لكم السعاده اللى كنت فيها
بصرف النظر عن مواعيدها الزباله
جاتلى الساعه 3 كده تقريبا كنت واقفه لها قدام الشارع اول ما شفتها اتبسط اوى
طبعا كانت وحشانى مووووووووووت واتكرمت عليها ودخلتها البيت بقى
طبعا بينت لها كرم الشراقوة اخر حاجه
ههههههههههههههه
ولا نسال سواق الميكروباص :-p :-p

طبعا كان معاها صحبتها هبه وبجد عسوله اوى وخدت ليها بسرعه

بجد انا مش عارفه اقولكم ايه غير انى بجد بحبهم اوى وشكرا لزيارتهم وان شاء الله تتكرر على طول

وبمناسبه العمليه بجد انا عرفت قيمه صحابى وكل الناس اللى بحبها
وعاوزة اشكر ناس بجد كنت معرفهومش انهم جدعه اوى كده

بصرف النظر لكل صحابى سواء نسمه وجيهان واميره ودينا نور ومى ومى وكل اللى بحبهم بيحبونى

عاوزة اشكر بجد
شوشيت ونشوى والاء وهاله بجد دول عرفت قيمتهم اما تعبت بجد مش عارفه اقول ايه عليهم
بجد شكرا ليكم

وطبعا كل اصحابى انا بحبهم مووووووووووووووت وربنا يخليهم ليا يارب

وطبعا مقدرش انسى reallem

بحبكم موووووووووووووووت وربنا يخليكوا ليا

Thursday, April 23, 2009

اصعب يوم


السلام عليكم ورحمه الله وبركاته

بجد يا جماعه مش عارفه اقول ايه.؟؟
بس فعلا الواحد مش بيحس بالحاجه غير اما يتحط فيها

انا كنت اما حد يبعتلى اوف لاين ان حد من سننا مات كنت بقول ربنا يرحمه وخلاص

امبارح اما دخلت الكليه وصحبتى قالتلى شيماء ماتت حسيت ان الدنيا بتلف بيا ومستوعبتش اللى حصل غير بعد ربع ساعه تقريبا واقول لها لا شيماء انا كنت مكلماها امبارح الساعه 2 وواقفه معايا دى اشاعات تنقولى اتدفنت خلاص اقولها لا هتيجى دلوقتى وبعد ما اتاكدنا من اللى حصل
قعدت اليوم كله مش حاسه بحاجه ولا حاسه بحد
وقعدت منها زة ومش مصدقه الكلام ده يعنى اما تيجى وتقرب ليا تانى ونرجع صحاب زى الاول واكتر تروح منى
عارفين الغريب ايه؟؟
انها بقالها فتره مكنتش بتكلمنى كتير ولقيتها قبلها بيوم بتكلمنى لقت الخط مع اختى اتصلت عليا تانى بالليل وتقولى وحشتينى اوى مش بشوفك كتير ليه
اصلا كنت برد عليها وبقولها انتى شيماء عبدالحميد وبضحك وبقولها يلا عايزة ايه طلعى اللى جواكى وقولى سبب الاتصال انجزى وعايزة خدمه ايه وبهزر وصحيت الصبح وقفت معاها فالكليه وهزار وضحك زى الاول وبعد اقل من ساعه بقت مع ناس تانيه

ااااااااااااااااااااااااااااااااااااه عالزمن
حضرنا المحاضره بصه للدكتور ومش شايفاه اصلا
ومن ده كتير
اول ما روحت البيت منطقتش خالص ماما تكلم فيا ولا كانها بتكلمنى لحد ما انفجرت بقى وروحت قيلالها اللى حصل
ماما طبعا مكنتش مصدقه فالاول وبعد كده بدات تستوعب
ده مش موضوعى

زياره صحابى لمامتها

مرة وحده لقينا وحده بتقول يا جماعه انا هروح لمامتها طبعا كنت عايزة اروح بس خفت انى اروح واشوف مامتها فى اول يوم تصحى الصبح فيه مش لاقيه بنتها جنبها
قلتلهم يا جماعه نروح بكره حاجه صعبه اوى النهارده صمموا وراحوا
اول ما مامتها شافتهم انهارت طبعا وسبتوها تروح لوحدها ليه؟؟
مكنتش بتحب تروح بدرى روحت النهارده بدرى ليه
ومن ده كتير
وبعديها مامتها سالت فين مروة بتاعت منيا القمح صحبتى قالت لها مش قدرت تيجى
طبعا اما صحبتى روحت اتصلت قالتلى مامتها سالت عليكى اتضايقت اوى وحسيت انى مش قد الصحوبيه كلمتها كتير اخت شيماء الصغيرة اللى كانت بترد
المهم روحنا تانى يوم الصبح
مكنتش متخليه ازاى اخش بتها تانى وهى مش موجوده فيه
كنا راكبين الميكروباص شفت الحته اللى كانت بتستنانى فيها مكنتش متخيله انها مش موجوده
احساس صعب لاقصى حد ممكن اتخيله ................
دخلت البيت وكانى بدور عليها شفت اختها حسيت ان هى دى شيماء
سلمت على اختها لقيتها انهارت وقالتلى شيماء راحت يا مروة
يااااااااااااااااااااااااااااااااااه صعبه اوى
دخلنا واول ما شفت مامتها مكنتش قادره ابص فى وشها عايزة اقولها متعيطيش هتيجى تانى ومش قادره
وبرده متاكده انها مش ماتت
لا حول ولا قوه الا بالله
ومرة وحده سمعنا صوت هز البيت كله روحت سيبا كل اللى قاعدين وروحت ادور فالاوض على اختها
واول ما شافتها قعدت تعيط وتقولى شيماء راحت يا مروة جيتى قبل كده وكنا قاعدين احنا التلاته هنا هى سبتنا ليه
كنت بهديها وانا بقول نفس الكلام من جوايا
وقعدت معاها شويه وكل ما تهدى ترجع تعيط بانهيار تانى
وبعد كده كان معانا بشمهندسه قالت يلا نروح نزورها قبل ما نمشى
مشيت مع اختها الطريق مع انها حته صغيرة بس من الكلام اللى كانت بتقوله حسيت انه اكبر طريق مشيته
روحنا المقابر اول ما شفت التربه كنت حاسه انها واقفه معانا
وبعد كده روحنا قعدنا مع مامتها شويه

اصعب كلاااااااااام

فبقولها يا طنط اى حاجه تعوزيها انا موجوده حسيت ساعتها اننا ام مامت شيماء وحسيت بضعفها اوى وهى بتقولى انتى زى شيماء الغاليه سبتينى ليه يا غاليه (على شيماء) وتتصلى عليا على طول تطمنينى عليكى وتيجى تزورينى وتقعدى مع البنات هنا كان شيماء موجوده انتى الوحيده اللى دخلتى البيت ده وشيماء فيه (اكتر جمله اثرت فيا لانى دخله ادور عليها مش راحه اعزى فيها ) وانا عماله اقولها حاضر ومش عايزة اسيبها وكنت بسلم عليها وحاسه انها مش عايزانا نمشى

المهم اننا مشينا وروحت الكليه قالوا فى محاضره مكنتش عايزة اشوف حد فدخلت المحاضره سبت صحابى وقعدت لوحدى جنب ناس تانيه
وبعد كده حسيت ان صحابى عايزين يتناسوا الموضوع مش نسيوه قدنا نتكلم عادى بس اللى فالقلب فالقلب
حاجه صعبه اوى اما تفقد شخص قريب منك فى اقل من ساعات ومش اى فراق لا ده فراق للابد

معلش يا جماعه نكدت عليكم بس بجد الكلام بتاع مامتها ماثر فيا اوى ومش قادره انساه وماثر عليا نفسيا وجسديا



Wednesday, April 22, 2009

انا لله وانا اليه راجعون

يا جماعه ياريت كل اللى يخش يقرا الفاتحه على روح صحبتى (شيماء)

ورنا يجعل مثواها الجنه ويصبر اهلها وكل اللى بيحبوها

ربنا يرحمك يااااااارب

Friday, April 17, 2009

الطفله البريئه


هااااااااااااااى طبا جنات نزلت البومها وياريتها ما نزلته بدانا باغنيه حب امتلاك
وكنت تقريبا بشغلها فاليوم عالاقل ست مرات مثلا

بعديها قاعدين فالكليه لا حس ولا خبر جت لينا وحده معايا شريط جنات بس جامد طيب يا ستى ابعتيه
اول اغنيه شغلناها كانت الطفله البريئه اولما سمعناها محدش كانت بينطق بعدها وبعدين لا بدانا نعيط فى نفسويتنا وبعدين كل واحد يبعد عن التانى احسن

حمل الاغنيه من هنا

واقرا الكلمات من هنا

الطفله البريئه المغمضه بقت من النهارده مش كده...بقت وحده تانيه متمرده... والفضل ليك

الطفله اللى فيا اتغيرت ..عقلت واديها اتشطرت...كانت بين ايدك واتحررت من بين ايديك


الطفله اللى كانت لعبتك ومن ضعفها جت قوتك...اهى اتغيرت من ناحيتك والبركه فيك

الطفله المطيعه اللى سلمت..طلع ليها صوت واتكلمت...كانت لعبتك واتعلمت تلعب عليك


مفيش فايده فيك ولا فى امل...لا جايز ولا بقى محتمل....ما هو اللى هيعمل كان عمل حاجه من زمان

فاضل بينا ايه نتشد له ...فاضل بينا ايه هنكمله...ده بينك وبينى اتقفلوا كل البيبان


الطفله اللى كانت لعبتك ومن ضعفها جت قوتك...اهى اتغيرت من ناحيتك والبركه فيك

الطفله المطيعه اللى سلمت..طلعلها صوت واتكلمت...كانت لعبتك واتعلمت تلعب عليك