شوفوا كاتبه ايه:
((منتهى السخافة!!!!!! يقلبوا الشباتر فى المحاضرات ومفيش اى اهتمام وفى الاخر "ياشباب فى امتحان الاسبوع الجاى" وعاوزينا فى الاخر نقول كلام جميل فى حق الكلية وهيه بتقدملنا ايه جميل عشان نقول كلام جميل فى حقها))
ايه رايكم فى الكلام ده؟؟؟
انا معاها فى كلامها لان ده بيحصل حقيقى وبيخنق الواحد كل واحد يدخل يدينا شبترين ولا تلاته
self reading
واللى يفهم خير وبركه واللى ميفهمش يريح والسنه الجايه يفهم براحته يعنى الوقت طويل ادامه
13 comments:
والله الواحد ماهو ناقص
اللى فينا مكفينا
ربنا يحرق الكلية خالص علشان يسرحونا ونبيع لب فى قراطيس
ههههههههههههههه
تشي
وعاوزينا فى الاخر نقول كلام جميل فى حق الكلية وهيه بتقدملنا ايه جميل عشان نقول كلام جميل فى حقها
ثوانى كده ،،، كلام ايه فى حق الكلية
الكلية من ناحية ايه يعنى
كدراسة
مستقبل
مبانى
دكاترة
معيدين
تعليم
فى حاجات كتير بتدخل تحت كلام عن الكلية
أولا الكلية كمستقبل مفيش كلام عليها
بصوا يا جماعة ياريت تستفادوا من كلام اللى جربوا وأكبر منكم
عندنا مادة كلها تعتبر self reading
الدكتور محمود بيدينا مادة MIS
تقريبا هى فيها كتير قوى من شباتر ال management
عندكم
المادة دى مكناش بنحبها فى تانية
ماكناش بنحب غير شباتر المسائل بس
شوفوا اللى حصل السنة دى
الدكتور محمود بيخلينا نحضر الشابتر وينادى بالاسم واحنا اللى بنطلع نشرح وبناخد الدرجات على كده
مننا اللى بيشرح كويس ومننا اللى بينقص ومننا اللى ما بيحضرش اصلا
عارفين ده ليه
لاننا مكناش فاهمين يعنى ايه self reading
وكنا بنستبوخها قوى
ومكناش بنزاكر الشباتر دى غير قبل الامتحان بالظبط
دلوقتى اتفرض علينا اننا اللى نقرا
ونفهم
ونحضر
ونطلع نشرح لزمايلنا
واجبارى
ساعات الدكتور بيريحنا محاضرة ولا حاجة ويشرح هو
بس احنا الاساس فى الشرح
عارفين فايدة ال self reading
أولا بتعلمكم الصبر والاصرار
انك لازم تفهم الشابتر ده
ويوم ما تفكر انك تشترى كتاب برمجة وتشتغل لوحدك فيه
ساعتها تقدر تقعد وتزاكره لوحدك ومن غير ملل
وتفهمه برده لوحدك
مين قال ان ال self reading
حاجة مش كويسه
التعليم بره عامل ايه؟؟؟
فى الدول المتحضرة والمتقدمة
يادوب بيدوا عناوين ومفيش ماتريلز
كل حاجة على النت
وينزلوا المكتبات يدوروا على المراجع والنت
وهو ده التعليم عندهم
للأسف احنا فعلا اتبرمجنا على اننا نكون مستمعين وبس
ناخد الدرس فى الثانوى ونيجى نحفظه
لو مخدناش الدرس مش هنعرف نفهم ولا نجيب مجموع
وانا كمان منكم يعنى
بس الفرق انى فاهمة الدكاترة قصدهم ايه
ولما يقولوا لك اعملى ريبورت عن كذا
او اعملى برنامج عن كذا
وانت اصلا معندكش فكرة عنه ولا فى المنهج
بتتضايق
مع ان ان شاء الله فى مشروع التخرج هتعمل حاجة ماتعرفش عنها حاجة
والدكتور اللى هيقولك تشوف ايه وتعمل ايه وتقرا فى ايه
عشان كده بيعودونا على ده دلوقتى
واحنا مش فاهمين
اسالوا أى حد فى تالته وانتوا تعرفوا
شوفونا ضايعين ازاى ووصلنا لايه
كل الدفعة مش مصدقة اللى بيحصل
واللى بيتعمل فينا
فجأة كنا السنة اللى فاتت فى تانية
مرتاحين على الاخر فى المحاضرات والسكاشن
مرة واحده
ريبورتات عن حاجات غريبة
كل مسالة بناخدها فى البرنامج نعملها بالمات لاب
والمات لاب اصلا محدش بيشرحهولنا
بيقولوا اقروا الهيلب بتاعه
والمفرض البروجيكتس دى تتسلم كمان كام اسبوع
ومادة كاملة احنا اللى بنحضرها ونشرحها
وامتحانات عمرنا ماشفنا زيها فى السنتين اللى قبل كده
المواد مش فاهمينها
حتى النظرى اتمنع من السكاشن
النظرى فى المحاضرة بس والسكشن للعملى
فهمت من المحاضرة خير وبركة
ما فهمتش محدش هيشرحلك
معرض لأى وقت ان الدكتور يدخل شايل فى ايده ورق ويوزعه عليك يمتحنك فيه ومفيش سؤال مكرر
وان الدكتور يقولك دلوقتى كله يطلع ورقة وهمتحنكم
والسكشن لازم تتجمع البرامج وتتحط على سى دى وتتسلم اخر التيرم
بجد انتوا فى نعمة
عندكم انتم الحاجات دى ؟؟؟
وكارهين الكلية عشان خدتوا كام شابتر سيلف ريدينج
احنا بناخد فى كل ماده سيلف ريدينج
غير مادة الدكتور محمود احنا اللى بنشرحها
ومع ده كله انا مش كارهه الكلية
بالعكس مع انى متضايقة ومصدومة زى باقى الدفعه من النقلة اللى حصلت دى
بس انا مش ببص للسلبيات اللى فى التغيير
انا بشوف ايجابيات الموضوع
انى هقدر اقرا كتاب لوحدى وافهمه
هتعود اعمل ريبورت لوحدى وبرزينتيشن وافهم اللى مكتوب فيها
هتعود على الانترفيو وازاى اعرف اتكلم مع اللى قدامى
هتعود ان اى حاجة غريبة عليا اتأقلم عليها بطريقتى
عمر العيب ما كان فى الكلية
ومش معنى انى متضايق من دكتور معين يبقى هعمم على الكلية كلها
ده ظلم
كل حاجة لازم تاخد حقها سواء كويسه او وحشة
وانا بقالى 3 سنين فى الكلية شايفه ان ايجابياتها اكتر من سلبياتها
وبدافع عنها على طول
بس كده
ياريت تاخدوا بالكم من اللى قولتهولكم عن اللى حصل لنا
واللى بقينا فيه
عشان ما تتصدموش زينا
وربنا يوفقكم ويعدى السنة دى على خير
ومحدش يزعل
و الله انا زهقت انا كمان من الكلية و اللي في الكلية و بقي ليها ذكريات وحشة معايا في الدراسة بقي انا شايف اننا برضو مقصرين و مش بنعملوا اللي عليتا و النظام كله اصلا مش حلو و عايز يتغير و بقت حاجة تزهق فعلا انما كسيلف ريدينج فاحنا لازم نشتغلوا مع نفسنا اكتر و بس
اممممممم انا مش لاقي كلام بع كلام احساس اللى هو بصراحه مقنع تماما...شكرا مروة ع الموضوع ...شكرا احساس علي الرد الجميل
صح احساس مش سابت لنا كلام نقوله
شكرا ليكم كلكم
انا جيت تاني
بصي انا ما قرتش الكلام بتاع احساس كله بس يعني هرد على الحته اللى فوق
الكلية من ناحية ايه يعنى
كدراسة
الكلية كدراسة حتى الان انا معقد نفسيا من الدراسة واللى بندرسه خصوصا انه بعيد جدا عن مجال الشغل فى المستقبل كمان دراسة ايه واحنا شغالين بالسي شارب يعني لغة ميكروسوفت وسايبين الجافا الاوبن سورس
مستقبل
مستقبل بدراسه الكلية فشنك اللى عايز يبقي ليه مستقبل مع نفسه ويبدأ لغة محترمه
مبانى
مش فارقة المباني
دكاترة
مش بحب اعلق عليهم بس مش كلهم كويسين وبيعقدونا فى عيشتنا ومش كلهم فاهمين فى المواد بتاعتهم
معيدين
المعيدين اغلبهم ومش بقول كلهم واخدين الدنيا بطريقة حافظ مش فاهم لفق مش باين والامثلة كتير والله بس مش مهم يعني ( إن الله حليم ستار )
:D
تعليم
زى التعليم فى مصر المقروصة كلها .... لا تعليق
تشي
السلام عليكم
مرمر ...شكرا ليك على الموضوع ...ناس كتير فعلا بتشتكي .....الوضع ده مش في حاسبات الزقازيق بس .....ومش في حاسبات بس عامة ...في كل جامعات مصر
ياجماعة الكلية في اي مجال مش بس مجال حاسبات ...بتحط رجلك على اول الطريق بس....يعني لما تطلع لمجال الشغل برة ..اكيد هتلاقيه اوسع بكتير من اللي اتعلمته وده شي طبيعي .....الكلية مهمتها انها تفتح مدراكك في التخصص بتاعك مش اكتر ....لكن تخليك بروفيشنال طبعا ده مستحيل
ده مجهودك الخاص ......وفي كليتنا بالذات ...اللي عاوز يتلعم وهو طالب سهل جدا ......البيزكس بتاعة البرمجة لكل اللغات متقاربة ...والمهم ان الكونسبت بس يكون في دماغك ...وبعدين اتعلم اللغة اللي تحبها
خد كورسات في الاجازة وسيرتفكتس تتحط في السي في بتاعك .....واسال صحابك اللي اشتغلوا واعرف الدنيا ماشية ازاي برة واتعلمه ....يوم لما تتخرج وتروح شكرة تعمل انترفيو تبقا عارف حاجات كتير .......ومعاك سيرتفكتس كتير ...هو ده اللي مفروض نفكر فيه ....مش نقعد حاطين ايدنا على خدنا ونقول الكلية مش بتدي ...
انا زمايلي اللي اتخرجوا الحمد لله مفيش حد فيهم قعد ...ومنهم بنات كمان
وبيشتغلوا في شركات كويسة وبسالاريز عالية جدا
فوق الالفين ..وممكن فوق الثلاثة
ITSOFT
ITWORKS
وحرف ...القرية الذكية
وغيره وغيره .....
شيدوا حيلكوا واتعمدوا على نفسكم
خاصة في البروجرامينج
وربنا معاكم
اولا اهلا وسهلا ميرو
ثانيا احب بس اعرفكم احنا اعتراضنا على ايه :
احنا مش اعترضنا على السيلف ريدنج بصفه عامة احنا اعترضنا على ان كل دكتور بيكون مدى سبع وتمن شباتر ويلاقى لسه شبترين ولا حاجة يروح مديهم سيلف ريدنج علشان يخلص نفسه واسمه خلص الكتاب كله يعنى الموضوع استخسار مش اكتر
واحنا اخدنا حاجات كتير جدا سيلف ريدنج فى مواد ملهاش دعوه بالبرمجه زى السيستم ..... مثلا وواخدين فيها مش اقل من 3 شباتر سيلف ريدنج بيجى الامتحان تلت تربعه هما بس ولا كاننا خدنا حاجات تانيه
يعنى اما كل دكتور يديكى 3 سباتر مثلا سيلف ريدنج فى اخر شهر هتذكرى ايه ولا ايه مع مراعاه ان السبتر السيلف ريدنج ممن ياخد وقت اكتر من اما تذاكرى سبترين تلاته من لبشباتر اللى انتى اخديها قبل كده
وياريت بناخد الحاجات دى فى اول السنه لا كل ده بيظهر فى اخر محاضرات نفاجا ان الدكتور بيقول الشباتر دى سيلف ريدنج
ثم انا اتفاجات جدا بناس فى سنه اولى بتقولى احنا اخدنا شباتر سيلف ريدنج معلش اللى فى سنه اولى دول مش عارفين اصلا المواد اللى عليهم علشان يخدوا سيلف ريندنج احنا كلنا كنا تايهين ومش عارفين حاجه يجى يخدوا سيلف ريدنج وفى النصف الاول كمان
انما بقى فى حته البرمجه اللى انتم بتتكلموا عليها طلاب حاسبات كلهم عارفين انهم مش هيشتغلوا بالمواد اللى بيخدوها فى الكليه بس انما لازم يخدوا قرصات بره ويذاكروا مع نفسهم
يلا ربنا معانا كلنا
معلش ياجماعة..ربنا معاكم ....انا ليا وجهة نظري الخاصة في التلعيم في مصر ..وبلاش اقولها عشان مش يجيلكم احباط ......بس كنت اقصد انكم متلفتوش للحاجات دي ...وركزا جهدكم في حاجات تانية
وربنا معاكم يارب
سلام
:)
ههههههههههههههههههههه
يا مروة دة قدرنا
والله انا بقى منفض للكلية دى خالص
بصراحة مكنتش فى افكارى واصلا مسمعتش عنها الا وانا بكتب رغباتى
الناس هتقولى مستقبلها ومش عارف اية
انا عارف كل حاجة والناس كلها كلمتنى فى الحكاية دى لانى بجد كنت مدمر فى اولى
بس انا افكارى كدة
انا ماشى فيها بالبركة والحمد لله بنجح
اها معايا مواد بس لانى مبعملش حاجة علشان اطلع صافى
بالنسبة للسيلف ريدنج يا مرمر
انا بصراحة مبقراش اللى اتشرح علشان اشوف السيلف ريدينج
وكمان انتى نسيتى تحددى ان اللى بيعمل كدة دايما هوة ...........
هههههههههههههههههههههههههه
بلاش بقى التوضيح اظن ان انتم عرفتوووووووه
ههههههههههههههههههههه
شكرا يا مرمر على المواضيع الجامدة بتاعتك دى
وقولى لصاحبتك دة قدر ومش هنقدر نهرب منه
هههههههههههه
ماشى يا احمد مش هفضحك علشان انت شكلك اصلا هتتفصل من الكليه
Post a Comment