االسلام عليكم ورحمة الله وبركاتة
عن لسان الناس اللى تعبانة من اللى شيفاه حولها
طيب تعبانة ليه؟؟
الحديث دة يتعب
(من راى منكم منكرا فليغيرة)
الناس تعبانة أنها بتشوف منكرات في الشارع عيانا بيانا *ومش عارفه تغيره
>>اهو منكرا ومش عارفه تغيره<<
*الناس تعبانة لانها بتشوف بنات صغيرة واطفال خلاص اندرجوا تحت فئه الكاسيات العارياتوبيبذلوا مجهود أكبر عشان يندرجوا تحت فئة العاريات العاريات!! >>اهو منكرا ومش عارفه تغيره<<
*الناس تعبانة لأنها بتشوف طفلين ولد وبنت ولا شحطين واحد وواحدة برضه واقفين مع بعض في حتة متداريةولا قاعدين ع البحر وحاطط ايده على كتفها ولا ماسكين ايد بعض زي ما يكونوا هيضيعوا من بعض !!>>اهو منكرا ومش عارفه تغيره<<
*الناس تعبانة لأنها بتشوف عيال ماشيين والسجارة في بقهم ، والسلسلة في رقبتهم ، والشتايم القذرة على لسانهم مبتقطعش - شتايم يمكن أنا قعدت كتير معرفش معناها أساسا !!>>اهو منكرا ومش عارفه تغيره<<
*الناس تعبانة من المجاهرين بالذنب ومن أصحاب الألسنة الخبيثة ومن العيال اللي بتتربى على قيمة واحدة هي ( لا للقيم )
*الناس تعبانة لما تفكر : هل سنتحاسب على ده كله ؟ لما نشوف الحاجات دي ونسكت عنها في لحظتها ؟ هل سنتحاسب ؟
*الناس تعبانة لما تفكر في بلد هيبقى رجالتها ونسائها وموظفينها بكرة أكبر حاجة في دماغهم إنه يجيب فيلم إباحي على الموبايل ولا يجيب في سيرة فلانة اللي ماشية مع فلان - ده إذا استثنينا العربيات والنت والكورة !!
مش هاقول طبعا اننا تعبانين من حكومتنا ومن إعلامنا ومن نظامنا التعليمي اللي عملوا كدهلأن دول بندعي عليهم أساسا!!
بندعى على اللي بيروجوا والإباحية ، وبيحاربوا الحجاب بنفس العزيم
بندعى على اللي بيروجوا للبهائيين والقرآنيين والعقائد والأفكار الفاسدة وبيحاربوا الإسلام بنفس القوة
بندعى على اللي معندوش مشكلة فى تعليم الثقافة الجنسية لكن عنده كل المشاكل في تعليم التربية الدينية
سؤال يخطر على ذهن كل من يقرا هذا الموضوع
لما اشوف منكر فى الشارع ومعملش حاجة..موقفى ايه؟؟
حسبنا الله ونعم الوكيل
10 comments:
يااااااااااااااااااااة
موضوع جميل جدا يا مروة
مش قادر اعرف ازاى اشكرك علية
اظن انى قلتلك راي فى كتاباتك قبل كدة وقريتة قبل كدة
بجد الواحد ميعرفش هل هيتحاسب علة كدة ولا لا
بجد فعلا انتى جبتى حاجات الناس قعلا تعبانة منها
ربنا يكون فى عون الناس
الموضوع ده فى غاية الروعة وطبعا كلنا بنقابل المشاكل دى وبنتعامل معها بسلبيةوكل اللى بنقدر نقوله" يا عم خليك فى نفسك هو انت اللى هتصلح الكون"
ايوه انت اللى هتصلح الكون لو كلنا عملنا كده هنصلح الكون ولازم كل واحد يبدا بنفسه
اما بالنسبة فى قضية الحساب يوم القيامة طبعا كل واحد منا شاف منكر ومحاولش يصلحة هيتحاسب عليه
وطبعا كلنا عارفين حديث النبى ص من راى منكم منكر ....الخ
وفى كمان دليل قاطع على ذلك وهى قصة اصحاب السبت واكيد كلنا عارفنها
وفى دلائل تانية كتير.......
والحمد لله على نعمة الاسلام
طيب هو فعلا موضوع كويس للنقاش ....بس انا وانتى اللى زيي وزيك هيعملو للناس دي ايه؟؟؟
يعني احنا مثلا مش هنعرف نغير حاجه لوحدنا طالما انا في مكاني ده لاني مش مسئول عن حد ...انا دلوقتي مسئول عن نفسي بس..ولو انا بجد عايز اغير حاجه جنبي يبقي لازم ابدأ بنفسي وساعتها ندعي ربنا انه يوفقنا للعمل اللى يرضاه..
انا ممكن اغير في شخص صاحبي مثلا او في شخص حسيت فيه بالخير ومش عارف يعمكله او ممكن اغير في واحد انا ليا سلطه عليه مثلا
غير كدا مش هعرف اغير في حد او لو حاولت اني اغير هلاقي ردود غير لائقه بالمرة واكيد حد سمع بعض الردود دي قبل كدا...
المهم فعلا ياريت كل واحد يبدأيغير من نفسه قبل ما يحاول انه يغير في الناس...
شكرا علي الموضوع :) سلام
اولا احب اشكركم كلكم على ارائكم
واحب اوضح حاجة للكوماندور ان ده اللى بتكلم عليه يعنى اما بشوف حاجة غلط بقول وانا مالى هو انا اللى هغير الكون ومن هنا بتيجى المشكله اننا فعلا ممكن نغير الكون ومش لازم الكون دة يكون العالم كله بس احنا على الاقل ممكن نغير المكان اللى احنا عايشين فيه يعنى البيت او اصحابى فى الكليه او قريبى ولو كل واحد فينا حاول انه يغير المكان المحيط بيه يبقى الكون هيتغير بس المشكله اننا سلبين وكل حاجة تقابلنا يبقى الرد عليها واحنا مالنا بس مش عارفه هيبقى مالنا امتى؟؟
وفى مشكله تانيه اننا لو حاولنا ننصح حد بس قالنا رد مش كويس زى وانت مالك مثلا يبقى دى نهايه الكون ومش هنصح حد تانى بس لازم نعرف ان الناس كلها مش زى بعضها
ومستنيه باقى الردود
مش هقولك غير ان كل واحد بيشيل المسؤليه عن نفسه وخلاص
معاكي حق ....بس في ناس بتخاف تحاول تغير ...عشان بتلقى ما لا يحمد عقباه ...حتى لو من اقرب الناس
على فكرة يا مروة أنا حطيت كومنت على بوست ليه الفرحه مش بتكمل للاخر
ياريت تشوفيه
Majesty
اوك يا مريم انا شفته
ومرسى يا عسل عللى كلامك الجميل ده
وجزاكى الله خيرا
بسم الله الرحمن الرحيم
دى الدلائل على ان الله سبحانه وتعالى هيحاسبنا يوم القيامة على الموضوع ده
اولا قصة اصحاب السبت :
تحكى القصة عن جماعة من بنى اسرائيل كان كل شغلهم هو صيد السمك من البحر
وكان الرزق يوم السبت كتير جدااااااا وباقى الايام قليل فاراد الله ان يختبر هؤلاء الناس ويبتليهم لكى يعرف من سيصبر ومن سوف يرتد على عقبيه فامر الله أناس هذه القرية ان لا يصطادوا يوم السبت ويصطادو باقى الايام فكان الناس يذهبوا للصيد فى الايام الاخرى غير السبت فيجدون السمك قليل .فتحايلو على الله ووضعو الشباك يوم الجمعة وكانو يأخذوها الاحد او يحفرو حفر فى البحر يوم الجمعة ويذهبوا لصيده يوم الاحد
وكان فى هذه القرية ايضا رجل عابد شديد العبادة لله عندما عرف بما يفعلوه قومه لزم داره وخاف ان يتكلم لما سوف يقع عليه من العذاب من هؤلاء الناس
ومن ناحية اخرى كان يوجد أناس يعبدون الله حق عبادته عندما عرفوا لم يقول مثل هذا الرجل بل ارادو ان يقدمو العزر الى الله وان ينصحو هؤلاء الناس لعلهم يرجعوا ويتوب الله عليهم . فما وجدو منهم الا الاهانة والتعذيب
وعندما تمادو فى عصيان الله اراد الله ان يهلك هذه القرية فامر سيدنا جبريل ان ينزل بالعذاب عليهم وبينما هو نازل اذ وجد هذا الرجل العابد يتعبد فرجع الى الله وقال له يا رب ان فيهم عبدك فلان رايته يعبدك ولا يعصيك فقال له الله به فابدأ .قال جبريل ولما يا رب قال لم يتمعر وجهه من اجلى
.......................
هذا هو حال من لا ينهى عن الفحشاء والمنكر
ثانيافيما معنى الحديث الشريف : قول الرسول الكريم.يأتى الله بالعبد يوم القيامةويقول له ماذا فعلت من اجلى فيقول له صليت يا رب فيقول الله هذا لك ماذا فعلت من اجلى فيقول له ذكيت يا رب فيقول هذا لك وماذا فعلت من اجلى أأنكرت منكر أو أمرت معروفا"
"...............
وهذا الكلام طبعا يوم القيامة
وشكرا
بجد قصه جميله جدا
واكيد احنا هنتحاسب على المنكر اللى بنشوفه فى الشارع ومش بنحاول نصلحه
Post a Comment