مفهوم الخيانه بوجهه نظر مرمر
وده ابسط كلام ممكن افسره بيه
لو فاكر نفسك ملاك.. لا مش ملاك... ايوة انت خاين
من الاخر عمر الملاك ما يكون هلاك... والفرق باين
اسف انا رافض اعيش فالنار .. بين السما والارض ميت مشوار
بتبعنى وتسبنى وهيهون عليك حبى ...اهون عليك
تنسى اللى كان جنبك حاضن هموم قلبك....خايف عليك
اسف انا رافض اعيش فالنار .. بين السما والارض ميت مشوار
اسكت خالص ...ومتحكيش..كل كلامك ميكفيش
انت قلبك حس بيا ..انت خفت فى يوم عليا ..ده انت باللى عملته فيا...نار راح متنطفيش
انت مش عايش عشانى ... انت جاى لحد تانى..حد كان عايش يحبك واللى حبه ده ميسويش
اسف انا رافض اعيش فالنار .. بين السما والارض ميت مشوار
انت عايزنى...انسى حاجات ..مستحملهاش قلبى ومات
مش هسامحك..لا سامحنى..ده انت قلبك مش جارحنى...لا ده عذبنى وجارحنى وانت سابته يدوس عليا..يعنى احساسى وكسرته واللى بيحبك ظلمته ...لا ولبى كمان قتلته وجاى تقول حقك عليا
اسف انا رافض اعيش فالنار .. بين السما والارض ميت مشوار
21 comments:
اول تعليق
على الخيانه
من وجه نظر مرمر
ل
رومانسى
الكلام قاسى قوى
مين اللى هيفكر يخون بعد الكلام دا كله
بس لو بيحبك بجد
هيمشى الميت مشوار
ومش هيمل
وهيحارب علشان على الاقل
يقدر يصالحك
romansy
شكرا لردك اولا
بس الحمدلله انا مش محتاجه حد يحارب علشان يصلح خيانته
وفعلا الكلام قاسى بس للى يحس بس
مش عارف
بس هو اللي انكسر عمره ما بيتصلح
الكلام قاسى اوى
بس وجهة نظر مقبولة
وبانسبة لرومانسى اظن ان فى ناس متقدرش تستحمل بعد الجرح من الحبيب انها تجرى وراه ولا اية ؟
تحياتى
أنا مش حاسه ان الكلام قاسى خالص
عشان اللى يخون يستاهل أكتر من كده مليون مره !
Boba
صح يابوبا فى جرح عمر الايام متقدر تداويه
مرسى ليكى
ahmedomar
اكيد يا احمد فى جرح مينفعش يتداوى ويببعد راحه
شكرا ليك
Butterfly
هو مش قاسى بس اللى يحس بيه يحسه انه قاسى
وفعلا الخاين يستاهل اكتر من كده بكتير
مرسى ليكى
الخاين مش يستحق حتي الكلام
لان اي كلام ممكن نقوله ممكن يوجع قلوبنا
بس انا دايما بفكر ف سبب الخيانه
الخيانه مش بتيجي من فراغ
اه في ناس بتدعي اسباب تافهه وبتبقي تلكيك
وعارفه ان مفيش مبرر للخيانه
بس ساعات بيبقي في اسباب يمكن لو احنا كنا مكان الخاين وبنفس الظروف والاسباب يمكن كنا عملنا زييه
محدش فينا يقدر يحس اللي بيحس بيه غيره
مش بدافع عن الخاين طبعا
ومش بقول نلتمس اعزار لانها حاجه مش هنقدر عليها
بس بقول لازم يبقي جوانا احساس بالناس اللي حوليا حتي اللي في يوم جرحونا بالخيانه
طبعا كلامي مش منطبق علي كل الناس
لان في ناس ........وملوش لازمه الكلام
ولو فضلت اكلم كدا للصبح مش هسكت
فاكفايه كدا
بس في اظافه صغيره
وبانسبة لرومانسى اظن ان فى ناس متقدرش تستحمل بعد الجرح من الحبيب انها تجرى وراه ولا اية ؟
سؤال احمد
اسمحلي اجاوب عليك
في ناس بتفضل برضوا تدور علي الحبيب
مش عشانه وبس
عشان احلام واماني وايام عاشوا فيها
وبيجروا وراها قبل ما تضيع
صحيح هيجلهم يوم ويقفوا لانهم مش هيقدروا يرجعوا اللي كان ابدا لان جراحهم دايما بتزيد جواهم
لكن مش هننسي انهم حاولوا
ولو قلتلي فين الكرامه
هقولك مفيش كرامه ف الحب
لان الكبرياء عمره ما هيكون اعظم من الحب
تحياتي
فراشه الشتاء
ردا على فراشة الشتاء
فعلا مفيش كرامة فى الحب
لو الاتنين بيحبوا بعض بجد واذا كان من الممكن ان الانسان يستحمل بعد الجرح يبقى مش هيستحمل كتير للاسف بيفضل فاكر الحب دة وبيفضل يتمنى يرجعله لكن دة حلم
الحب شئ وهمى موجود فى الخيال وبس
تحياتى
الحب شئ وهمى موجود فى الخيال وبس
مش هسرح بخيالي كتير وقول في الحب اشعار
الحب صحيح نادر وصعب يكون بجد وصادق
لكن عمره ماهيكون وهم
لان كل واحد فيا هيجي يوم ويلقيه
وفي ناس قعلا لاقوه
الحب موجود
بس عشان هو حاجه جميله اوي وكلنا عايزينها لازم هنتعب اوي علي ما نوصلها
او نتعب اوي عشان نحافظ عليها
وفي النهايه يا احمد دي وجهة نظري وانت ليك وجهة نظر انا بحترمها
انا بس حبيت اقول رايي
وشكرا يا مروه انك سمحتيلي بالرد اكتر من مره
تحياتي
فراشه الشتاء
تحياتي .. بس تعرفي
فكرتيني بالقلب اللي بيجرحنا في حاجة اكيد جرحاه و جرحنا بتفكرنا بالقلب اللي جرحناه
بس ارجع اقولك
اللي انكسر مش بيصلح احنا مش كائنات نورانية
احنا بشر ولو وهمنا نفسنا اننا سامحنا نبقى بنعذب بعض ع الفاضي
وصدقيني التكملة هو اقل ما يقال عليه انهم بيعذبو بعض ع الفاضي
خلاص الثقة فينش
ahmedomar
على الله تكون عرفتني
بس اقولك حاجة
مش انت عندك قلب بيعرف يحب
يبقى اكيد فيه حب
الفكرة بقى في فين وامتى ولمين
؟؟؟؟؟؟؟؟؟؟؟
حاول تلاقي الاجابة
معلش قولتو الحب ما فيهوش كرامة
وانا بشوف ما الحب الا كرامة
و راي خطأ يحتمل الصواب
ورأي غيري صواب يحتمل الخطأ
وانا كمان سوري يا مرمر على كل الرغي ده
Boba
القلب اللي بيجرحنا في حاجة اكيد جرحاه و جرحنا بتفكرنا بالقلب اللي جرحناه
مقتنعه بيها جدا
ومتاكده انها صح
وصح زي ما قلتي مفيش حاجه بترجع زي ماكانت
بس مش شرط انها تنتهي
ممكن قصه حب تنتهي بجرح تتحول بعد كدا لصداقه جميله من غير ما حد يعذب التاني
الماضي انتهي لانه كان ليه علاقه بحب
بس دلوقتي في حاجه بيحولوا يحافظوا عليها
الصداقه
وعلي فكره مش دايما التسامح بيبقي وهم
او تقري تقولي ان في ناس مش بتقدر تسامح عشان كدا بيبقي وهم بنسبلهم
لكن زي ما في ناس كدا في ناس بتقدر تسامح من قلبها
وبيبداو صفحه جديده
وبيبقي في ثقه
لانهم بيشفوا دايما نفسهم في مكان غيرهم
ويتمنوا اللي في يوم اتجرح منهم يسامحهم
زي اعمل خير او حاجه جميله هتلقيها بترجعلك بالمثل
ودي وجهة نظرك واقتناع لانها حاجات كلها انا عشتها وبعشها
واسال مجرب ولا تسأل طبيب
سعيده بجد بردك يا قمر
وانا بحترم رايك وتفكيرك
مروه انا بجد اسفه جدا جدا
اني حولت البلج لصفحه شات
بجد سوري
اخر مره ان شاء الله
تحياتي
فراشه الشتاء
ايه يا مرمر ده
ردى براحتك يا قمر
شات شات عادى جدا
ما دام اراء محترمه عادى جدا ياقمر
بما انك انتي اللي قلتي برحتكو
فبراحتي بقى
فراشه الشتاء
بصي يا قمر
السماح صفة بشرية
العفو صفة الاهيه
والعفو هو انك تسامحي اللي غلط وترضي عنه
دي بقى البشر مش بيعرف يعملها فكل الاوقات
في حاجات معينة زي الخيانة ما ينفعش تنسيها او تبقى كأنها لم تكن بس ينفع تسامحي فيها
بس ده برده بيبقى بعد فترة
لما الجرح يلم
مع اني لا مجرب ولا طبيب
بس هقول حاجة من باب اني انسان
اللي بيبص لحد على انه حبيب ما بيعرفش يبص له على انه صديق
الصداقة قد تتحول لحب
والعكس غير صحيح
خاصة لو الحب انتهى بجرح
وهوووووووووووووس
مش هفتح بؤي تاني
شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية
كلامك حلو قوى وفى الجون
بالرغم من قسوته
س الخاين ميستهلش غير الكلام ده
دومتى كل خير
وربنا يبعد عنك الخوانه يا رب
صح الخيانه ده شئ وحش جداااااا بس لازم قبل ما نحس ان فى شخص جارحنا ..لازم نحاسب نفسنا الاول ونشوف احنا عملنا ايه يمكن يكون احنا اللى ظالمين..ما فيش حد بيجرح الا اذا اتجرح اوى ..
قالولى هان الود عليه ونسيك وفات قلبك وحدانى ..رديت وقولت بتشمتوا ليه هو افتكرنى عشان ينسانى
كلاماتك جميلة ولاكن قاسية
ولاكن كل خاين ما يستهل غير كدة اكيد
تحياتى ليكى على كلامك الجميل
تحياتى ليكى تقبلى مرورى
شخابيط mahgoub
Post a Comment