to
طول عمرى خايفه احب واعشق زى كل الناس لانى مملكش فى حياتى غير حبه الاحساس
الحب احساس جميل يشد صاحبه الى بر الامان والاستقرار ثم الى بر الهلاك العذاب
فى حاجه جوايا عايزة اعبر عنها بس مش عارفه اطلعها .... بس ممكن اعبر عنها ان الحب زى اللعبه الجدبده بتاعت الطفل
مش عارفه ليه الحب الايام دى بقى زى اللعبه ...تلاقى الواحد قال للوحده بحبك وتلاقيهم ميقدروش ميكلموش بعض اكتر من ساعتين ..ويكونوا لسه معاها ويقولها وحشانى موووت .....ده اول يومين طبعا
بعد كده يتكلموا فى اليوم مرة وتقعد ترن عليه وبعدين يقولها سورى يا حبيبتى اصلى بيزى .....ربنا معاك يا حبيبى
بعد كده فى الاسبوع مرتين ولاحاجه اصل الموبايل مكنش معايا و...و وووو
ومن هنا يبقى انهيار الحب
بعد كده يبقى يحسوا بالبعد عن بعض .... والبعد ده يخليهم يفكروا تانى هو ده حب ؟؟ ..... وبعد كده يحسوا انهم اتسرعوا حتى لو بيحبوا بعض بس البعد بيسبب اكتر من كده ..... ويبدا العذاب والهلاك
وممكن الموضوع يتطور ويبداوا يعذبوا فى بعض
32 comments:
first comment
yaho0o0o0o0
from along time
بصى يا مرمر الصورتين جامدين اخر حاجة
والبعد بيقوى العلاقات الحقيقية وبيموت العلاقات الضعيفة
دى الخلاصة
gamel awy ya mar mar bas elly enty be2oly 3lih dah mosh esmoh 7ob esmoh taslea elly hea mashya el ayamde 4 sorry .
السلام عليكم ورحمه الله وبركاته
ازيك يا مرمر
بجد موضوع جامد جدا ويستحق المناقشه
بس اختلاف مفهوم انهيار الحب بالتاكيد بيختلف من شخص لاخر لان ممكن شخص يكون انهيار الحب عنده سببه عدم التوفيق في حبه وممكن يكون بسبب خيانه من الطرف الاخر وممكن يكون عدم الاحساس بالحب من الاساس وممكن يكون فراغ عاطفي ناتج عن عدم التواصل مع الطرف الاخر ودي كلها بالتاكيد اسباب تؤدي الي انهيار الحب ولكن يجب علينا عدم الاستسلام او الضعف امام اي تجربه غير ناجحه او فاشله في حياتنا واننا نحاول باستمرار التغلب علي الصعاب التي تواجهناواسف جدا علي الاطاله
ميزو باربي
الزهـــــــــــــراء
منوره يا قمر
وردك فالاول يسعدنى
مستنيه الكومنت بتاعك
لما يكونوا هما الاتنين عيال
أكيييد هيحسوا انه لعبة
وطبعا لازم يحسوا انهم زهقو ا وعايزين
يغيروا ..
لما يبقوا ناضجين كفاية اكيد هيكون الوضع غير
ـــــــــــــ
تحياتي
..............
صفا
بس فى فرق بين بعد يقوى العلاقه وبعد هروب
وبعدين ازاى بعد يقوى يعنى الواحد يحس بالاهمال وبرده يحب اكتر ليه
الواحد يحب لو حاسس ان البعد له فايده
يعنى فى حاجه منعاه وحاجه مهمه
مرسى يا صف
Anonymous
شكرا على ردك يا قمر
والحمدلله ان الموضوع عجبك
وفعلا الموضوع ده يعتبر تسالى مش حب
شكرا يا قمر
بصي يامروة الحب مش كدا
الحب مش انك تقول كلام حلو طول الوقت ولا انك تبهت فى ماسيجات ولا تليفونات الحب اكبر من كدا
الحب ليه معانى كتير جميله ورقيقه محدش بيحسها غير الى بيحب بجد مش الى بيبقي في حاله احتياج للحب او عاوز يلعب
وشغل العيال بتاع شباب (عيال) اليومين دول
نايس بوست يا قمر
لا يا مرمر مش ده اللى اقصدة طبعا لو بعد هروب او اهمال ده محدش يستحمله اللى اقصدة لو بعد خارج عن ارادة اللى قدامك
mizo_barby
وعليكم السلام ورحمه الله وبركاته
انا كويسه الحمدلله
وايه الكلام الجامد ده يا بنى
والله يا معتز مش عارفه ارد عليك
كلامك من الاخر يا ميزو
شكرا ليك
الزهـــــــــــــراء
كلامك صح يا زهرة
بس الظاهر ان الايام دى كلهم عيال
ههههههههههههه
مرسى يا عسل
شوشيت
حلو كلامك بس انا مش مسئوله عاللى هيحصلك
بتقولى عليهم عيال
يالهوى يالهوى
انتى فاكرة انك علشان بعيده مش هيعرفوا يضربوكى
لااااااااااااااااا
مسيرك وترجعى لينا
انا جايه اهدى النفوس بس
هههههههههه
وكلامك صح يا شوشيت بس لازم يكون فى اهتمام علشان الحب يكمل
مرسى يا عسل
صفا
وده اللى اقصده يا صفا
مرسى ليكى عالاهتمام
اللي انتي قولتي عليه ده مش حب خالص
الحب الحقيقي حتي البعد مايموتوش
أولا أحب أحييك على الموضوع بتاعك ده
بس للأسف أنا حاسس انك بتتكلمى عن شباب بيحبوا فى بنات ,والشباب دول شياطين والبنات ملايكه بسم لله ماشاءالله,وده طبعا مش صح , لأن زى مافى شباب عاوزين الحرق بالجاز فى بنات عاوزين الحرق بجاز وسخ فى بنزينه معفنه-->> مع احترامى لهم طبعا.....بس دى كانت الثغره فى موضوع
أما بقى بالنسبه لصلب موضوعك فانا وأعوذ بالله من كلمة أنا شايف ان الموضوع ده بقى بنسبة 90% والباقى هم اللى بيكملوا ,بس مش شرط ان انهم مابيكلوش انهم مابيحبوش بعض بس فيه ناس كتير بتشوف ان من الاحسن الانصياع لرغبات الحياه والتناسب الطبقى والشكلى والمهم فى ده كله ان العريس يبقى استايل عشان الهانم ماتتبراش منه قدام صاحباته..بس.
فعاوز أقول فى النهايه ان الموضوع ده يمكن يكون غلط من الاول انه يحصل ألا وهو الحب البأس ...... واللى مابيقدرش على الحب ومشاكله الكتيررررر مايحبش من الأول أحسن..... ولكم منى جميعا كل الحب والتقدير ... ولنا لقاء اخر
وكل الشكر مرمر على الموضوع الجميل ده
تحياتى ليكى
سلام
الحكايه من الاول ان لازم يكون الاختيار صح
ولازم فعلا يكون الحب صادق بينهم
واكيد طالما اخترنا صح هنعيش عيشه هنيه وسعيده
عاشقه وغلبانه
انا من رايى ان حتى لو مموتوش بس هيقلله
شكرا ليكى
ghost_hunter
اولا شكرا ليك على ردك
بس انا مقصدش ان الواد شياطين ولبنات ملايكه انا كتبت الموضوع ده علشان كنت بكلم وحده وبتحكيلى حاجات قريبه من دى فبنيت الموضوع عالاساس ده
عموما شكرا لرايك وكلامك منطقى وواقعى
وفعلا اللى مش قد الحب ميحبش
شكرا ليك
romansy
فعلا كلمك صح
بس ساعات الواحد مش بيكون متاكد من الحب ده
وساعات الواحد الحب بعميه فالاول لحد ما يحس انه مش هيقدر يتعمى اكتر من كده فيفوق
شكرا ليك
بصي يا مروه لو كان البعد نتيجة ان واحد فيهم بيتهرب من التاني أيا كان السبب بقى يعني مكنش بيحبه من الاول وكان بيلعب بيه او حتى اكتشف فجظاه ان الشخص ده مش مناسب ليه يبقى اكيد دي اخرتها ... وانا من الرأي الطرف التاني لو اتأكد من كده يبقى يحاول يبعد في هدوووووء علشان ميحصلش تتشات تخليهم يكرهوا بعض ... أما بقى لو كان البعد نتيجة ظروف الحياة بقى والشغل والدراسة والحاجات دي "ساعات فعلا ممكن الحاجات دي تلهينا عن بعض شويه" فالبعد هنا بقى بيضعف العلاقه القوية وبيموت العلاقه الضعيفه هنا بقى يعملوا ايه الاتنين مفيش حل غير انهم يحاولوا يقربوا تاني حتى لو مش زي الاول كفايه حد فيهم يحسس التاني انه معاه او جنبه لو حتى باحسسسه وقلبه مش لازم جنبه يبقى زي ضله في كل حتة يعني بس مفيش بعد بيقوي ابداااااااااا حتى لو كانوا بيموتوا في بعض وبعدين في مثل بيقول "البعيد عن العين بعيد عن القلب" .... بس بجد موضوع جامد جدااااااا تسلمي عليه يا قمر
ShiMOo
بصى يا شيماء رايك انا متفقه معاه مليون الميه
وفعلا البعيد عن العين بعيد عن القلب
واول رد ليكى رد امد جدا يا قمر
مستنياكى تخشى على طول ان شاء الله
سلام يا قمر
الاول احب اقوللك انه االمدونه بتاعتك حلوه مووت وانا اول مره ادخل اعلق وان شاء الله متكونش الاخيره.بصى يا مرمرانا بشوف انه اى علاقه بتنهار يبقى مش اسميها بتنهار دى تبقى اسمها نهايه لعلاقه فى حاجات كتير ناقصاها زى التفاهم اوالتوافق او الحب فى ناس بترتبط لمجرد بس احتياج وناس داخله تجرب مش اكتر وناس بتتسلى وناس مش قادره تاخد قرار صح دى كلها بتنتج عنها حالات فاشله او بتنهار زى ما قولتى.
مدونتك حلوة جدا ومواضيعك حلوة قوى قوى قوى
بجد ربنا يوفقك يا جميل ولازم اكرر الزيارة للمدونة اللذيذة دى
تحياتى
gygy
مرسى يا قمر على رايك فى مدونتى وان شاء الله فعلا متكنش الاخيره
وفعلا كلامك صح
وبقى المنتشر هو الاحتياج للحب
واحسن حاجه اننا نكتشف عدم التفاهم والحاجات دى فالاول منفضلش عاملين هبل وادينا عايشين
مرسى يا قمر على ردك
ميرو انتكة
مرسى يا قمر على زوقك
واخجلتم تواضعنا
شكرا يا عسل على رايك
الاول سلام عليكم كل واحد بيقول رايه من واقع تجربه او من وجهة نظر هو مقتنع بيها. اسمحيلى اقول راى فى الموضوع ده
علاقة الحب علاقه متبادله والحب ده احساس متبادل من طرفين علشان كده لازم الطرفين يهتموا ببعض وكل
طرف يحس بالاهتمام من الطرف التانى وكل طرف يحسس التانى انه بيحبه
فى بنات بعد ما العلاقع تدخل فى الجد بتلاقهيا اتغيرت وتبدأ تقول كلام تانى خالص وتبدأ كلامها يتغير ..يعنى مثلا فى الاول اعملى كذا .تقوله حاضر ..اعملى كذا تقوله حاضر وبعد شويه لا مش هعمل وان كان عاجبك رغم اها كانت بتسمع كلامه فيها قبل كده
وتبدأ هى تعمل حاجات هو مش راضى عنها ..وهو مش قادر يقبل انها تعمل الحاجات دى بصرف النظر عنها وهو بجد مش بيكون بيتحكم
ولا حاجه بس هو مش قادر يقبل بالوضع ده .فهى تبدأ تقوله احنا فى اختلافات بينا كتير واحنا مختلفين فى حاجات ..طيب ما الجاجات دى انتى اللى بتعمليها وتقدرى ما تعملهاش ..وعلشان حاجات صغيره جدااااا تقوله يا ريت نبعد عن بعض شويه علشان نقيم العلاقه.وهو يكون متمسك بيها المهم بياخدوا فرصة التفكير فى الفترة دى بعد شويه يرجعلها ويكون مشتاق ليها اوى وحاطط فى دماغه انها هتقوله انها بتحبه وما تقدرش تبعد عنه . يلاقيها بتقوله احنا ما ننفعش لبعض طيب يعمل ايه ما فبش فى ايده غير انه يقبل بالوضع الحالى وتفضل هى بعد كده تجرحه بالحاجات اللى كانت بتعملها قبل كده قدام عينيه ..فيحس انه كرامته كل يوم بتنجرح فيحاول يبعد ويحاول ينسى والاغرب انه علشان بيحاول يبعد تهتمه بالخيانه وانه هو اللى نسيها وهو اللى باعها وهو اللى جرحها مع انه كل يوم بيتقطع من جرحها ليه ويكون لسه بيحبها بس مش قادر ينساها بس كمان مش قادر يرجع علشان كرامته وهى كمان ممكن تكون بتحبه وهى كمان مش قادره ترجع ويفضلو يتعذبوا بدون اى داعى..يا ريت تقوليلى يعملوا ايه
M
وعليكم السلام ورحمه الله وبركاته
اولا اسفه عالتاخير فالرد
فعلا الحب احساس متبادل بس لازم يكون فى توافق فالطرفين سواء توافق اجتماعى او تعليمى او ثقافى او ووووو
وفيه بنات بتتغير بعدالحب بفتره بس اكيد بيكون فى سبب ممكن يكون الجو الجديد هى مش متاقلمه عليه وممكن يكون الولد يعمل حركات مش كويسه و ممكن متكنش حاسه بالحب من ناحيه ويمكن ويمكن
فى مليون سبب بس ده احسن من انها تكدب عليه وتعيشه وهمهيكون نسيانه اصعب بعد
كده
وبالنسبه لحته تعمل حاجات تهين كرامته
هى الاول كانت بتحاول ترضيه بس دلوقتى معدش ليه حكم عليها وممكن متكنش فى دماغها مثلا وعملت الحاجه دى وبعد كده عملتهاش تانى
مش كل حاجه نحكم عليها انها بتهينه او عايزة تدوس على كرامته
ومقدرش اقولك يعملوا ايه لانه يختلف من موقف للتانى فى حالات ممكن يرجعوا لبعض وحالات الرجوع فيها استحاله
شكرا ليك
(حركات مش كويسه ) كلمه صعبه اوى انا اعرف اما الواحد بيحب بيحس انه حبيبه بيبقى ملك ليه فممكن يعمل حاجه هو مش قصده منه حاجه وحشه هو بس بيكون حاسس انه قريب اوى منه وعاوز يعرفه انه بيحبه .برغم ان الحاجه دى مش فى طبعه اصلا بس هو بيكون انسان تانى خالص معاه.اما فعلا لو ما كنتش حاسه بالحب فعندك حق يبقى لازم تصرحه علشان ما يعيش فى وهم. فى حاجه كمان. كلمة ما بقاش ليه حكم عليها برده عندك حق فيها بس كان لازم كمان تعمل حساب لمشاعره على الاقل فى يوم من الايام كان بينهم حاجه حلوه.. كلمه اخيره الحب اساسه التضحيه واللى بيبحب بجد بيضحى باى حاجه .شكرا على ردك على تعليقى واسف للتطويل
M
بص ده كلام افلام بقت ملكه ازاى اولا كل شىء قسمه ونصيب
يعنى ازاى يسمحوا لبعض يعملوا اى حاجه ولو محصلش نصيب يبقى ساعتها ايه الموقف او الحل
لازم نراعى ربنا
وبالنسبه لموضوع تعمل حساب لمشاعره هى فعلا ممكن ميكنش كانت فى دماغها انها تجرحه مثلا وممكن تكون عايزة تنسيه علشان مش تظلمه
وولا طولت ولا حاجه
براحتك خالص
طبعا هما لازم يراعو ربنا ده شء اكيد .. وانا مش بقولك انه صح بس كان ممكن يتفقوا ان ما فيش حاجه من دى تحصل تانى وخلاص وعلى فكره بقى فعلا اللى بحيب بيبقى حاسس ان حبيبه ده بيبقى ملكه وخصوصا فى الاول وبعدين ده احساس مقولتش انهم اكداو انهم هيبقى لبعض دى حاجه بايد ربنا.اما البعد ما بينسيش اكتر ما بيعذب ..شكرا
وبعدين هو ما يستحقش انها تسامحه فى الحاجه دى ؟ ده يمكن يكون سامح كتير ..خصوصا انه ممكن ما يكونش قصده حاجه وحشه
Post a Comment