اتخنقت لا زهقت من الدنيا ومن الناس اللى فيها
ايه رايكم فى الجمله دى
!!
هو ده حالى دلوقتى مخنوقه من الناس كلها ومخنوقه من نفسى ومخنوقه من الكليه مع انى كنت بحب انزل الكليه جدا لانى بحس انها المكان اللى بتجمع الصحاب وكمان احنا بنقعد فيها اكتر ما بنقعد فى بيوتنا
وكنت بحب اقعد فى الكليه دلوقتى بروح الكليه واقعد اقولهم يلا نروح بقى زى العيال الصغيرة اما بتخرج وتقعد تعيط وتقول عايزة اروح
كل ما اقول لحد كده يقولى علشان خايفه من النتيجه.؟؟
بس انا عارفه انى مش متضايقه من كده بس مش عارفه فى ايه؟؟!!
وبقيت بحب اقعد لوحدى واخترع سبب واقعد اعيط
ومعندش بحب اقعد مع حد عرفاه فى الكليه دايما بحب اقعد مع صحبتى بس واما بنكتر بحس ان خنقه اوى
وعلشان كده ناس كتير بدات تحس بكده والكل بيسالنى انتى مالك ؟؟ لحد ما حسيت ان فيه حاجه غريبه
يلا بقى ربنا يسهل ونرجع لطبيعتنا
Subscribe to:
Post Comments (Atom)
5 comments:
يااااااااااااه انتي لسه فاكره تزهقي من الكليه دا احنا زهقانين منها من زمان
دااحنا غلابه بقي
ربنا معانا في المصيبه اللي هتقع علينا
معلش ولا يهمك
انتي صلي على النبي و حاولي تحبي اشي شي ما بنحب عشان هو قدرك
نفس شعوري شعورك
قرفت حتى من نفسي
الله يهدينا
روري
انا عندى حل وعن تجربه
ساعات كنت بحس بضيق ومابقاش عاوز اكلم حد وما كنتش اعرف ايه السبب ولا عارف ايه الحل فى حد قالى افضل اقول انا "مش زعلان وافضل اضحك"
وطبعا ده مش حل
وفى يوم برده كنت مخنوق لا قين نفسى عاوز اقوم اصلى رغم انا كنت مصلى كل الاوقات قومت اصلى وفضلت ادعى وقفلت النور شوبة
والله يا جماعة حسيت انى ارتحت اوى وقالى كام فترة مرتاح والله
قصدى اقول انك لو مضايق قرب لربنا هو بس اللى عنده الحل
بس انا عندى رجاء يا ريت تكتبى موضوع عن غزة او سب الرسول صلى الله عليه وسلم
واانا اول واحد هشارك
وجزاكم الله خيرا
عادي
مخنوقين كلنا وكارهين نفسنا
دا بقي العادي بتاعنا الايام دي
عادي
ملعون ابو دي كلمه
عادي
كلمة بس لمحمود
البلوج يعني الواحد بيكتب عن اللى هو عاوزه واللى حاسه مش لازم يكتب فى كل حاجة موجوده حواليه
تحياتى
تشي
اشربي ميه سقعه كتييير
Post a Comment