العين صابتنى ورب العرش نجانى هههههههه قال يعنى فالحه

العين فلقت الحجر

طبعا مستغربين من اللى انا كتباه ده
بس متشتغربوش ولا حاجه ده خبر نيو لسه حاصلى طازة كده
هههههههههههه
امبارح كان علينا امتحان اى سى انا فهماه كله الحمد لله وكنت مذكراه قبل كده فكل حد يكلمنى يقولى مروة السوسه وانتى مقفله الماده وانتى دحيحه وانتى وانتى وانتى...................... الخ االخ الخ
فانا خلصت امتحان يوم التلات فجيت يوم الاربع مجاليش نفس اذاكر ويوم الخميس قعدت العب طول النهارومذكرتش غير الساعه 3 الصبح وجيت يوم الجمعه قلت بس ده اخر يوم لازم اذاكر فكنت صاحيه فعدت اذاكر من 3 الى 5 وبعدين قمت صليت وكده وقعدت اتفرج عالتليفزيون بقت 7 قلت اقوم انام شويه واصحى المهم نمت وصحيت كانت 1 كده قلت هتغدى واذاكر وفعلا اتغديت لقيت الجو حر قلت اطلع اقعدت فى الشقه اللى فوق شويه على ما الحر يروح لانى مبحبش اذاكر فى الحر فالمهم طلعت بالفعل وطبعا وانا بطلع وبنزل بطلع فى الانجاز كده فماما عامله لينا ميت بوابه عالسلم زى ما يكون هنتخطف مع انى محدش معانا بس يلا اللى حصل
المهم وانا ناله فسمعت صوت التليفون وكان ترنك فنزلت بغباء علشان ارد ومحدش يرد غيرى علشان اما بيردوا بقعد اقولهم مين يقعدوا يقولولى مش هيفيدك ومش ليكى وحاجات من اللى بتغيظ دى ومش بعرف نمرة مين لانها بتكون غريبه فبتضايق هههههههه شغل اطفال
فطبعا وانا نازله بسرعه فكنت بفكر ميت اللى عالتليفون هههههههههههههههههههههههههههههههههههههههههههههههههههههههههههههههههههههههه
فكنت هخبط فى البوابه الحديد اللى عالسلم فقلت بدل ما افتح دماغى فروحت خبطه بايدى انا محستش غير وانا بصوت معرفش ايه اللى حصل ابص على ايدى واصوت اكتر هههههههههههه علشان ايدى لقيتها قلبت بنفسجى كده وبعديها بشويه لقيتها ورمت فكان باين اوى انه كسر المهم روحت للدكتور فبحكى للدكتور اللى حصل قعد يضحك وسابنى بعيط كنت متغاظه منه مووووت
المهم عملنا اشاعه وكده قالى دى كدمات شديده شويه يعنى لازم تخلى بالك قولتله لا ده انا ورايا امتحان فيزياء المهم ادانى مرهم ورباط وكده قالى على ما تخلصى امتحان
المرهم بحطه على ايدى بحس ان فيها نار فمش برضى اخده فماما كل شويه تيجى تحطهولى واعيط بعدها ساعه
هههههههههههههههههههههههه
روحت متصله باميرة صحبتى قلتلها اللى حصل راحت قايلالى وربنا لاسيطك وهشيل العين عنك لقيت بعدها التليفون كل شويه بيرن قفى ايه اللى حصل ؟ هههههههههههههههههههه وياعينى مش هتعرفى تحلى ومن ده كتير هههههههههههههههههههه
شفتوا صعبت عليهم وبعديها وحده صحبتى بتكلمنى لقيتنى صوتى متغير وكده وبعديها لقيت البنات كلهم عرفوا لاننا بنتصل بعض قبل الامتحان وكده روحت الكليه متاخر فكل اللى يلمس ايدى اصوت لانها كانت بتوجعنى موت
فدخلت اللجنه كانت ايدى بتتقطع بجد ومش قادرة المهم بصيت لقيت الامتحان طويل جدا فانا متعوده انى امشى 11.30 كده هتاخر فاكتب سؤال واريح ايدى شويه لحد ما جت 11.30 قل لازم اسرع بقى عايزة انزل ههههههههههههههه
فخلصت كانت 12.15 مكنتش قادرة اراجع روحت مسلمه الورقه ونازله
اول ما نزلت كان فى ناس تعرفش ان ايدى وجعانى فاول ما شفونى طبعا قاعده بتفرتكى الورقه فوق شافوا ايدى قالوا لا ليكى حق والله تتاخرى قلتلهم خلاص بقى دعواتكم وارحمونى وبصوا انا معرفش حاجه فى الاو اس عايزنكم تسيطوا انى معرفش حاجه
هههههههههههههههههههههههههههههه بس انا متاكده ان ده مش حالى لوحدى ده حال معظم الدفعه ان لم يكن كلها
بجد والله انا عمرى ما اقتنعت بالحسد وكده بس بجد بدات افكر
هههههههههههههههههههههههههههههههههههههههههههههه