هتوحشونى كلكم

لتانى مره فى البلوج هكتب

هتوحشونى بجد

بس المره دى هتوحشونى اكتر من المره اللى فاتت لاننا اتعلقنا ببعض اكتر وبجد بحبكم اوى والنهارده بجد ففى ناس مكنتش قادره اسلم عليهم يعنى مى (صحبتى الانتيم فى الكليه) كنا بدور على فكره نتخانق بيها مع انى هشوفها كتير ان شاء الله لاننا مش بعاد عن بعض ولا حاجه بس برده مش هنبقى زى الدراسه اللى ننزل فيها مع بعض ونمشى مع بعض بس احلى حاجه انها مش هتسافر
وهى الوحيده اللى مسلمتش عليها وطبعا فى ناس تانيه كتير بحبهم اوى كنت النهارده بسلم عليهم وهو وحشنى من قبل ما يمشوا
وفى ناس مكنش ليا علاقه بيهم اوى واجى اخر ايام الدراسه اتعلق بيهم اوى كنت بحكى عليهم النهارده على كده
وبالرغم من انه كان يوم حلو لاننا خلصنا وكده كان يوم وحش اوى برده
والحمد لله كنت ماشيه النهارده ومحدش زعلان منى مع انهم كانوا عمالين يستفزونى ويقولولى زعلانين وجيجى المستفزة قعدت تقولى انتى ندله من اول ما شفتنى الصبح وقالتلى مش هقولك غير بعد الامتحان قعدت افكر وكنت فى النهايه هضربها بس مهنتش عليا وغيرها كتير هههههههههههههههههههه
ودلوقتى الحمد لله مظنش ان حد زعلان منى لانى قلت لكل واحد على اللى فى قلبى من ناحيه ولو شايله من حد قلتله ولو حد شايل منى قالى لاننا مش ضامنين نشوف بعض تانى
ده لسه وداع يوم التلات اللى هيكون فى مى وميرا وساره (مش هقولك اسمكم الحركى علشان الاحراج وعلشان مفضحكوش)
فى النهايه على رايى …… الهبله اللى الموبايل اتملى الكلمه دى
(والنبى مالينا اللى بعضينا)
هههههههههههههههههههههههههههههههههههههههههههه
سلام يا احلى صحاب فى الدنيا