مواقف مستفزة

مواقف مستفزة

دى بقى مواقف مستفزة تعتبر بتحصل كل يوم او عالاقل بشوفها

1- تصحى الصبح على صوت وحده بتزعق لعيله صغيره علشان البت صاحتها بدرى شويه

وتقعد تقولها انخمدى بقى اما تكبرى واصحيكى تروحى المدرسه هتروحى بالضرب

زى ما تكون بنتها دى فاهمه بتقول ايه؟؟

ده مش بيحصلى لان اوضى اخر اوضه ولو عملوا فرح فالشارع مش هحس

ههههههههههه

2- تنزل متاخر شويه تلاقى المواصلات زحمه وبعدين لو جه ميكروباص تلاقى الولاد بتنط من الشباك

يعنى لو وقعت وعربيه تانيه جايه من وراك دستك هيبقى كويس

يعنى لازم تنزل فى المواصلات الزخمه ما دام متاخر انزل بدرى

وده معظم الاوقات بشوفه بس لانى لو اتخنقت هطلع بيتنا وانزل فى ميعاد تانى

فاضيه بقى

هههههههههههههههههه

3- تيجى تركب السرفيس تلاقى الراجل يقولك محطه تقوله لا

يقولك كرسى فاضى اهو

هههههههههههههه

امال لو قلت له اه هيعمل ايه؟؟

4- تروح الكليه فتره اولى من 8.30

تلاقى مفيش محاضره ولا سكشن

امال نزلنا ليه؟؟

5- معلش الدكتور حصل له ظروف واتاخر

معلش نستناه والدكتور يجى 11 ومستنينه من 8.30

يقولك مفيش مايك اللى بيتعلق فى القميص والمايك الموجود همسكه فى ايدى

هكتب ولا امسك المايك؟

ده موقف لسه نيو وحاصلى النهارده

قلتله حطه فى جيب القميص

ههههههههههههههههههههههههه

وطبعا لدكتور منفض وعامل مش سامع مع ان صوتى عالى ومسمع

ههههههههههههه

وطبعا مفيش حل غير اننا ننحرف ونسمع اغانى

ههههههههههههههههههه

وياريته اغانى بس وطلعنا اكل وطبعا اللى بياكل لوده يزور

نوزع بقى عاللى جنبنا

ايه ده فى صحابى ورايا لازم تاخدوا

وادينا قعدنا لحد الساعه 1.30

6- ورانا سكشن الساعه 2 هناخده ولا ايه؟؟

نروح للمعيد يقولك الساعه 1.30 هبدا متتاخروش

ونستناه لحد الساعه 2 عادى ما احنا فاضيين

يجى يقعد يشرح ساعه وياريته للى خدناه فالمحاضره

ايه ده يا عم فين المنهح؟؟

لا اصلها مقدمه سريعه كده

يعنى احنا قاعدين فالكليه من الساعه 8.30 لحد الساعه 3.30 علشان مقدمه سريعه

ههههههههههههههههههه

7- خلصنا اللى ورانا

تعالوا ناكل بقى

نجيب سندوتشات من عند الديب

لا بلاش الديب مكلتش من عنده من سنه اولى

ليه بس ده اكله جميل

شفنا فار ماشى فالمحل واحنا بناكل

يا ستى عادى

الفيران احباب الله

هههههههههههههههههههههههه

8- عايزين نروح بيوتنا بقى

اركب انا ووحده صحبتى ونبتدى شغل العيال بقى

انا اللى هدفع لا انا؟

وبعدين مش هتفرق هنركب مع بعض كتير

يجى السواق الخفه خلاص هاتوا انتم الاتنين

طبعا محدش هيرد......يصعب عليه الكسفه اللى هو فيها

يروح قايل واكلين سد الحنك

وامفروض اننا نضحك

9- والله ما انا ركبه فى السرفيس ده انزلى هنركب mcv

تعالى يا ابله ده انا بضحك معاكى

يخليك بتنزل يروح محرك العربيه علشان تقع وانت بتنزل

وطبعا لو ده حصل هديله باللى فى رجلى

ههههههههه

10- روحنا البيت بالسلامه

ياه الحمدلله ده كان يوم خنيق

وقبل ما تحكى للى حصل

متتاخرى كمان شويه انتى ايه بدرى كده ليه

ااااااااه اسطوانه قبل النوم

هههههههههه

ونسمع كلمتين حلوين يعدلوا دماغك

لسه بتفتح الكمبيوتر

ما انتى كنتى لسه معاهم ولا فى كلمتين نسيتى تقوليهم

طبعا بعمل مطرشه وبقعد شويه وبقيت اتخنق من النت

وارووح انام

دى تعتبر يوميات مرمر بس مواقفها المستفزة بس

فى مواقف زى العسل بس بخاف من الحسد فمش بقولها

ههههههههههههههههههه

Yalla See You Later

Take Care Ya BaBy

hahahahahah

تاج الملك تشى اللى توجنى بيه

النهارد هرد على تاج الملك تشى اللى وصانى انى ار عليه وطبعا اشكره عليه

*التاج اهو*

1-عيب فيك ومش نفسك تتخلص منه ع الاطلاق؟؟
الجراءه والاصرار

2-اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله ؟؟

اولا انا مشش هجاوب علي السؤال زى ما جيفارا

انا هجاوب عليه على اساس صحابى اللى بقابلهم وبقعد معاهم واخرج معاهم وكده (يعنى البنات)

ومش بالترتيب

1- اميره : بحسها مروة رقم 2 وبحبها موت

2- مى (ميوش) : من اطيب لناس اللى قبلتهم وبحبها موت

3- مى (efee) : طيبه اوى واللى فى قلبها على لسانها وبحبها موت برده

4- نسمه: جدعه اوى وعسوله وبحبها برده

5- شوشيت وجيجى : طيبين اوى بس ساعات بحسهم مغرورين بس غيرت الفكرة دى اماعرفتهم صح وبحبهم برده

3-أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية ) وبردو جملة لكل واحد فيهم ؟؟

ده هخليه للاولاد اللى اعرفهم فالكليه واللى اتعرفت عليهم عالنت

ومش بالترتيب برده هخليها باللى بالترتيب اللى عرفتهم بيه

1- فهمى باشا : اول اخ عرفته فالكليه وبعزة اوى وطيب اوى

2-عمر باشا : من اطيب الولاد اللى قابلتهم فى الكليه بس مش هقولغير الحلو ميكملش

3- جيفارا: من اغرب الناس اللى قبلتها فى حياتى عنده افكار فى دماغه عايزة قرارات ازاله بس طيب اوى

4- محمد الغنيمى : بنختلف كتير بس فالاول والاخر اخوات

5- عنتر : طيب اوى بس مش بيعرف يتعامل صح وبيحب يعمل نفسه فاهم كل حاجه بس على مين ههههههههه

4- العشرة اللى فوق ... ابعت لكل واحد فيهم رسالة !

ا- اميره : على قد ما بحبك بنصحك بس انتى اختى الصغيره

2-ميوش : قلبك كبير بس متخليش الحب يلغى شخصيك

3- مى : حبى الجديد هههههه كل يوم للساعه 4 فالكليه بنحكى بس بكون مستمتعه بجد

4- نسمه : النوم ثم النوم ثم النوم ههههههههه بس جدعه اوى

5- شوشيت : عسوله وجدعه بس يارب تفضل كده متقلبش عالوش التانى ههههههههههه

جيجى : زى شوشيت ههههههههههههه

6- فهمى : وش السعد هههه وقصير بس مكاااااار وسوسه بس طيب اوى

7- عمر : حدد هدفك ايه ؟؟ وعيد حساباتك تانى علشان متندمش

8- جيفارا : فكر بعقلك شويه وشوف انت عايز ايه.؟؟

9- محمد الغنيمى : حاول تكبر دماغك شويه وتتعامل مع الناس بالواقع اللى احنا عايشينه

10- عنتر : حدد برده انت عايز ايه؟؟ وحاول تغير من اسلوبك شويه لانه بيضاق كتير

انا يعتبر قلت عيوب كل واحد ياريت محدش بجى يسالنى ازاى او ليه

نفصل البلوج عن اى حاجه تانيه

5- العشرة اللى فوق دول اكتب لكل واحد كتاب او اغنية بتعبر عنه فى رايك؟

1- اميره : (يا احلى منهم يا فارقه عنهم.....جامده اوى زى لكتاب ما قال)

2- مى : (فاكر عنيها وضحكتها لمست ايديها وبراءتها ..فاكر زمان)

3- مى ( efee): (قلب واحد مش كفايه فى حبى ليك انت محتاج الف قلب يحس بيك)

4- نسمه : (بحبك كل يوم اكتر من اليوم اللى كان قبله)

5- شوشيت وجيجى : (ضحكت يعنى قلبها مال وخلاص الفرق ما بينا اتشال )

6- فهمى : (بتلف الدنيا بينا .....يارا)

7- عمر : (ادى الحكايه ...اكمل)

8- جيفارا : (حيران .....محمد فؤاد)

9- محمد : (اصعب احساس ...تامر)

10- عنتر : (هتعمل ايه ....شيرين)

6- حاجة وحشة جدا عملتها ف حق حد وما ندمتش عليهاوهتكررها لو حصلت ؟؟

انى اسامح حد جرحنى جرج كبير اوى

7- أكتب رسالة لأي حد او حاجة او شيء او كيان او اياً كان فى الكون بدون اي قيد؟؟

جيت عالوجيعه يا جيفارا بس ما علينا

ههههههههه

هكتب الرساله دى لوحده صحبتى بدون ذكر اسماء وهقولها

على قد ما حبيتك حذرتك اكتر من مرة من صحابك بس اللى انتى عملتيه مش هين ابدا ومش قادره انساه لدرجه انى كنت بحلم بيه

وكمان مش هقدر اخسر اهلى علشانك

الاسئلة بقي علشان الكوبي والبيست

1- عيب فيك ومش نفسك تتخلص منه ع الاطلاق

2- اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله ؟؟

3- أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية ) وبردو جملة لكل واحد فيهم ؟؟

4- العشرة اللى فوق ... ابعت لكل واحد فيهم رسالة !

5- العشرة اللى فوق دول اكتب لكل واحد كتاب او اغنية بتعبر عنه فى رأيك

6- حاجة وحشة جدا عملتها ف حق حد وما ندمتش عليهاوهتكررها لو حصلت ؟؟

7- أكتب رسالة لأي حد او حاجة او شيء او كيان او اياً كان فى الكون بدون اي قيد؟؟

وطبعا فالنهايه ههديه لكل واحد اسمه بلوجه موجود عندى واى زائر جديد داخل عندى

وطبعا ياريت ميكنش فيه زعل من اى حد سواء نسيت اكتب اسمه او تعليقى عليه مش عجبه

والله مسخرة,,,,,,,,,,,,,,,احنا اللى عودناهم على كده

كل سنه وانتم طيبين بمناسبه المذاكرة والدح اللى مش بيحصل اصلا

امبارح بقى سيطرت عليا حاله هيستريه لا توصف بسبب الكليه

قال ايه غياب قال

واطلع بره يا كلب متدخلش بعدى

ههههههههههههههههههههههههههههههههههه

متخفوش متجننتش بس ده اللى حصل

هحكيلكم وانتم تحكموا

طبعا من المعروف ان مفيش كليات قبل العيد
وانا برده اعرف كده
بس شكلنا طلعنا قدام اوى وجهله حبتين

المهم

طبعا انا عارفه اللى بينزل اول اسبوع ده بيتدلع بقى ونازل هزار وانا كنت نازله عالاساس ده

بس انا اتفاجئت باللى حصل ؟؟!!.........الحقوناااااااااا

طبعا انا نازله االساعه 12 كده ومش هعرف انزل قبل كده
النوم سلطان
هههههههههههههههههههههههههههه

وفاكرة انى نازله بدرى بقى

طبعا اول ما نزلت لقيت صحابى كانوا وحشنى جدا سلمت عليهم وقعدت معاهم وطبعا ولا سالت عالجدول هو شويه وهنزل فالمكتبه ايه وجع الدماغ ده

طبعا طول ما انا قاعده عماله اسمع احنا لازم نذاكر ونجيب تقدير ومفيش كورسات دى مواد سهله وافلام من بتاعه اول السنه دى وهنحضر المحاضرات كلها ومش هنام ومش هنقعد نسمع اغانى ونسيب المحاضره وطبعا كل سنه بنقول نفس الحوار بس ........
ديل الكلب عمره ما يتعدل
ههههههههههههههههههه

وفجاه لقينا بنات خارجين من مبنى المدرجات

كنتم فين يا كتاكيت ؟؟

ايه ده انتم متعرفوش ده احنا خدنا محاضرتين

نعم يا اختى انتم بتهزروا صح

لا والله ده حتى الكتتابه اهو

كمان كتابه
هههههههههههههههههههههههههه

والمفاجاه بقى خد غياب ومدخلش حد وراه
ههههههههههههههههههههههههههههههههههههه

قلتلهم والله طيب بالشفا ومبروك عليكم
ههههههههههههه

قالولى متزعليش فى محاضره برده لدكتور منير يوم الاربع واكد علينا اننا نقول للناس علشان الغياب
مش هنحرمك
ههههههههههههههههههههههههههه

قلتلهم غياب برده قالولى وطرد كمان والمشكله انها فتره تانيه يعنى الساعه 10.30
طبعا ده صعب جدا ان لم يكن مستحيل لان كده هضر انزل على 9.30 يعنى اصحى .8.30 او 9 بالكتيييييييير
حراااااااااااااااام انا كنت بصحى المغرب واتطورت شويه فى رمضان وصحيت الساعه 2
كده هطور خاااااااالص

متزعليش اوى كده دى فيه كمان محاضره وراها لدكتور عبدالهادى
وده زى دكتور منير والغياب بيجرى فى دمه برده
ههههههههههههههه

انا اللى غلطانه انى سلمت عليكم
ههههههههههههههههه
والاجازة امتى بقى؟؟

زى ما احنا يوم التلات

طيب كويس علشان مفيش مواصلات
اول حاجه عدله اسمعها من اول ما جيت
انما قولولى هو دكتور منير وخدنا مقاوله؟؟

لا ده بيدينا مادتين بس ودكتور عبدالهادى مادتين بس ودكتور نبيل ماده

انا سمعت كده
جاتلى هيستريه ضحك هم يضحك وهم يبكى
هههههههههههههههههههه

طبعا جيت مامتى بتقولى طبعا ولا ليها لازمة النزوله حكيت لها مصدقتش بس بصراحه انا مش قادره اصدق اللى انا فيه ههههههههههههههههههههه
عمركم شفتوا كده؟؟

صوتى يااللى متنيش شايفه الهنا ده
ههههههههههههههههههههههههههههههههه

يلا بالشفا بقى وادينا متعودين عالبهدله
ههههههههههههههههههههه

متعوده دااااايما

تاااااااااااااااج

دى اول مره اخد تاج من حد هى كانت عجبانى الفكره بس فى ناس اهدتنى تيجان قبل كده بس كنت بكسل ارد وكنت بعتذر

بس المره دى متحددش بالاسم بس شفته عند فهمى وقال اللى عايز يخده يخده فكنت عايزة ارد عليه فخده

تاج العروسه اللى هو انا

ههههههههههههههههههههه

بدأت تدون امتى و دخلت العالم دا ازاى؟

انا بدات تدوين من السنه اللى فاتت

وازاى بقى؟؟

كنت كتير بيكون جوايا حاجات كتير عايزة اكتبها

فكنت ساعات بقوم جايبه اجنده واقعد اكتب بعدين شفت بلوج جيفارا وفهمى فعجبتنى الفكره فعملته

ومبسوطة بيه جدا

ايه كان انطباعك فى البداية؟

كنت حاسه انه موضوع فاشل وهزهق وهقفله

لان محدش هيدخل البلوج غير صحابى بس اللى عندى عالميل

وده اللى حصل فالاول بعدين لقيت اما برد عند صحابى ناس ى بيردوا عندى بعدين لقيت ناس معرفهمش ومعرفش البلوجات بتاعتهم بيردوا عندى كنت بكون مبسوطة اوى

كنت فالاول بخش كتييير واقعد ادور فالبوستات لو حد رد أرد عليه

وبجد مرسى لكل واحد خش عندى البلوج ورد عليا

مين اكتر واحد بتهتم بتعليقه على بوستك الجديد؟

مش بهتم برد حد وحد لا
كل الناس بيهمنى رايها

بكون فرحانه اما بلاقى حد رد عليا سوء اعرفه او لا

وشكرا لكل نسان دخل عندى البلوج سواء رد او لا

ايه اهم حاجة اتعلمتها من عالم التدوين؟

اتعلمت انى اتقبل النقد مع ان الصفه دى فيا اصلا

اتعلمت انى ممكن أعمل عيله تانيه غير عيلتى اللى عايشه معاهم

اتعلمت حاجات كتيره بجد

ايه اكتر حاجة كرهتها؟

كرهت ان حد يخش يشتم وخلاص من غير اى وجه حق

حاسس ان التدوين له تأثير؟

اه طبعا ليه تاثير لانه مش بيخليك نفسك فى حاجه بتعبر عن اللى جواك بكل حريه

تهدى التاج لمين؟

انا طيبه ومش هدبس حد

اللى هيرد عندى وعايز ياخده اهلاا وسهلا

طبعا زمانكم بتقولوا انتى خلصتوا بسرعه كده ليه عايزنى مبطلش كلام

بس معلش بقى اصلى عندى مشغوليات

ههههههههههههههههه

سلاااااااااااااااااام

انا لو ازيته..................؟؟

انا لو ازيته...؟؟

يااااااااااااااااه معناه كبير اوى بس لو حسناه صح

هنا حماقى بيكلم فيها حبيبته ومتضايق وصعبان عليه نفسه بس مش لازم اننا نتخيلها كده

تخيلوها فى كل حاجه تخيلوها انت وقريبك ؟؟ او انت وصاحبك؟؟ او حتى انت مع نفسك ؟؟

هتستغربوا من انت مع نفسك.....؟؟

هقولك النفس امارة بالسوء يعنى فى ناس كتير بتاذى نفسها وهى مش حاسه وساعات وهى حاسه

انا بقى عملت فلاشه عن انا لو ازيته بس تخيلت فيها نفس تخيل حماقى

باختلاف ...........

ان حماقى وجهها لبنت وبما انى بنت هوجهها لولد

ومش معنى كده انى اقصد حد والله العظيم ابدا علشان محدش يفهم اى حاجه انا مش قصداها

اتكه هنا علشان تنزل الفلاشه

تنزيل الفلاشه بالرابيد شير

بعديها على طول اكتبلى رد ورايك فالفلاشه

مستنياكم

وكل سنه وانتم طيبين ورمضان كريم

رمضان كريم

كل سنه وانتم طيبين بمناسبه شهر رمضان

اعاده الله على الامه الاسلاميه بالف خير وسلامه

HaPpY BiRtHDAY To Me

Happy Birthday To Me

طبعا الموضوع باين من عنوانه

وبما ان الساعه دلوقتى 12 يعنى النهارده 1/8 رسمى يبقى النهارده عيد ميلادى

واخيرا بقى عندى 19 سنه

اواواواواواواواواواواواواو

وطبعا بما انى مرمر تختلف عن الاخرون يبقى لازم هعمل حاجه جديده محدش عملها قبل كده

فلاشه عيد ميلادى مرمر برابط مباشر


فلاشه مرمر رابيد شير

طبعا هتستغربوا لان فيها حاجه جديده مش عند حد يس محدش يسالنى جبتى اغنيه مروة منين بس انا قلتلكم مرمر تختلف عن الاخرون

يلا عقبال ما يبقى عندى 21 سنه ........... ومتبقوش رخمه وتسالوا ليه؟؟!! علشان انا ارخم مش هقولكم
(ايموشن واحد بيطلع لسانه) ه
بس بلاش والنبى تخاريف على 21 سنه دى والاقى امه لا اله الا الله متصله تباركلى انى هتجوز ولا حاجه
هههههههههههههههههههههههههههههههه

متقعدوش تفكروا وتنسوا الفلاشه
نزلوها وقولولى رايك عمايل ايديا وحيات عنيا
ههههههههههههههههههههههههههههههههههههه

يلا بقى كل سنة وانا طيبه