في كثير من المواقف التي تحدث معي هذه الايام اجد ان اغلب الناس تغضب مني
ولما اناقشهم في ذلك اتبين انهم قد حسبوا مني مالا اقصده,ازاي يعني؟
اقصد يعني الناس دلوقتي بقت صعب جدا تفترض حسن النية في الشخص اللي
قدامها,على طول سوء النية هو الاسبق الى اذهاننا,هو قاللي كدة ليه؟؟؟هو عمل
معايا كدة ليه؟؟؟غريبة ليكونش قاصد يهزأني؟؟؟آآه,فعلا هو كان قاصد...لالالا,مش
ح اسكتله ابدا.,, و هكذا دواليك
ايه رايكم في الموضوع ده؟؟؟انت يعني بالنسبة لك مين اسبق
سوء النية ولا حسن النية؟؟؟
ولما اناقشهم في ذلك اتبين انهم قد حسبوا مني مالا اقصده,ازاي يعني؟
اقصد يعني الناس دلوقتي بقت صعب جدا تفترض حسن النية في الشخص اللي
قدامها,على طول سوء النية هو الاسبق الى اذهاننا,هو قاللي كدة ليه؟؟؟هو عمل
معايا كدة ليه؟؟؟غريبة ليكونش قاصد يهزأني؟؟؟آآه,فعلا هو كان قاصد...لالالا,مش
ح اسكتله ابدا.,, و هكذا دواليك
ايه رايكم في الموضوع ده؟؟؟انت يعني بالنسبة لك مين اسبق
سوء النية ولا حسن النية؟؟؟
18 comments:
موضوع مهم جداااااااااااااااااااااااااااااااااااااااااااااااااااااا
طبعا المفروض ان حسن النية الشئ الاول فى الظن فى اى حاجة بس لو الناس تفهم كدة
دة حتى لو اتاكدنا سوء النية المفروض نبقى رحماء شوية ونلتمش للناس العذر شوية
فى رايى احنا بقينا فى زمن ما يعلم بيه الا ربنا معدش فى صداقة ولا حب ولا اى حاجة دة الواحد خايف انه يتغدر بيه من اقرب الناس حواليه
موضوع حلو ومحتاج للنقاش
تحياتى
ahmedomar
فعلا موضوع مهم
بس فى ناس متستهلش اننا نعذرها اصلا
دة حتى لو اتاكدنا سوء النية المفروض نبقى رحماء شوية ونلتمس للناس العذر شوية
متفقه مع احمد في اللي قاله دا
بس خلينا نفكر ليه بقي الناس بتسبق بسوء النيه
اكيد جواهم حاجه غلط من الاول ناحيه الشخص اللي بيظنوا فيه سوء وبيفهموه غلط
كان لازم من البدايه تبقي كل الامور واضحه او ان احنا نوضح موقفنا وراينا قبل ما غيرنا يفهمه غلط
ممكن انتي تقولي
انك مش هتمشي تفهمي الناس كلها وجه نظرك
دا كلام سليم
يبقي لازم نبقي واضحين في تعاملنا في كل حاجه
بحيث اي حاجه تصدر مننا مش تتفهم غلط
مع ان سوء النيه وارد مهما عملتي ومهما حصل
لان في ناس شكاكه جدا
ودايما بتسب بالوحش قبل الحلو
مش هكلم عن الناس كلها
لكن هكلم عن نفسي
مش هرسم بقي واقولك اني بتوقع حسن النيه دايما
لا انا زي ما بتوقع حسن النيه بتوقع سوء النيه في الموقف الواحد بحط احتملات كتير وبستني لحد ما يبان المقصود
مش لحاجه غير اني بخاف اتصدم واتجرح من الشخص اللي قصداي لاني طالما بتعامل معاه يبقي هو شخص عزيز عليا
البوست جميل يا مروه
وفكرته جامده
وكويس انك خلتيني اقول الكلمتين اللي فاتوا دول
ربنا يكرمك
وشكلي هشحت كمان شويه
هههههههههههه
شكرا يا مروه
ربنا معاكي في الامتحانات
تحياتي
فراشه الشتاء
هههههههههههههه
اعذرينى بختلف معاكى مفيش حد مينفعش نلتمسله العذر مهما حصل
دة الرسول التمس العذر للى عذبوه
احنا بقى مش هنلتمس العذر لبعض
دة ربنا مهما الانسان عمل وبيرجع يتوب بيسامحه
الانسان بقى مش هيسامح
منطق غريب جدا
وجهات النظر مختلفة جدا
عادي بقى يا جميل
دي طبيعة البني بشر
بسوالله بقى
انا عمري ما كنت سيئة الظن
بس اهو الواحد بيحاول
لعل وعسى
بس اقولك بقى انا بدبس في كل موقف والتاني واتفهم غلط
واهم حاجة اني عمري ما قولت لحد انت فاهمني غلط واصلح فكرتي عنده
سهر الليالي
ايه الكلام الجامد ده يا مرمر
هو فعلا لازم يبقى عندنا الاحتمالين بس اللى بيكون اقرب لينا بيكون النيه الوحشه
واكيد مش همشى اشرح لكل واحد وجهه نظرى بس فى ناس بحبهم مش بحب انهم يفهموا كلامى بالمعنى الغير المقصود
شكرا ليكى يا عسل
ahmedomar
كويس ان الموضوع ضحكك
ولولا اختلاف الاراء لبارت السلع
وكل واحد حر فى رايه ما دام مقتنع بيه
Boba
ايه يا بت الملاك اللى بكلمها دى
ههههههههه
انتى اصلا سوء الظن نفسه
ههههههههه
بصى يا بوبا
انا برده مكنتش بظن وحش فى حد بس لاقيت بعدها انى هبله والموضوع ده بقى بيتفهم غلط
يعنى ما دام مش هتظن فيا اعمل اللى انا عايزة ولو ظنت بكلمتين هصالحها وخلاص او شويه وهتتصالح
فلقيت ان الواحد لازم يظن السوء قبل الحلو
علشان متصدمش فالوحش اللى انا كنت فكراه حلو
انما اما اظن الوحش والاقيه الحلو يبقى خلاص الحمدلله
مرسى يا بوبا
للأسف
سوء النيه بقى هوا الأساس
لأن اللى قدامك هايعاملك بيه حتى لو انت عملت العكس
blue-wave
اتفق معاك فى الراى يا دكتور عمرو
ودى حاجه وحشه اووووى
ماشي يا مرمر
هعمل نفسي ما سمعتش غير ملاك بس
وهفرد الجناحين
ههههههههههههههههههه
بس اقولك ياجميل بقى انا بفكر ازاي
اولا لو انا ظنيت بغير الوحش
وفضلت طول الوقت الكل حوالية متهم هتى تثبت برأته
ساعتها انا اللي هخسر
بجد احساس صعب اوي انك تظني اللي حواليكي وحشين
على الوجه الاخر لو غيري بيظن فيه اني وحشه
عادي بقى هو حر
ادام هو مبسوط انه شايفني وحشة
ربنا يبسطه كمان وكمان
بجد مش بضايق
الا لو كان الحد ده قريب مني وكنت فاكرة انه فاهمني كويس
Boba
يالهوى يا بوبا عالكلام الجامد ده
مش مصدقه يا بنتى اللى انتى كتباه
والله كتبتى كل اللى فى نفسى
علشان كده انا وحشه بقى
هههههههههههههه
مرسى يا قلبى عالمتابعه
مرمر القمر
المثل بيقول حرص ولا تخون
انا مش بقول عليك وحش ولا نيتك وحشة بس هعمل حسابي انها ممكن تطلع وحشة
واللى يعيش ياما يشوف
وربك بيخلص ذنوب ناس من ناس
وبنكتشف ان ربنا سايبلنا ف الاخر حاجات احسن من اللى سبناها " او سابتنا يعني لو شئنا الدقة ف التعبير "
تحياتي
انا
السلام عليكم
موضوع مهم جدا وسؤال واضح وصريح يحتاج الى اجابة فيها لف ودوران ههههههههه
والله هيا بتختلف حسب الموقف والشخص اللى بتتعامل معاه وممكن حسن النية الزايد يقلب بسؤ نية او توقع الخير بيتحول لنية سيئة عند حدوث غير الخير ربنا يكفينا شره هههه
يعنى لو انا متوقع ان الشخص دا لما يكون فى الموقف دا هيعمل التصرف الفلانى وفجأة يعمل تصرف غريب يدعو للشك هنا ببقا محتار ياترى يمين ولا شمال يعنى نحسن ولا نسئ بس دا برده بيترتب على مودى فى ساعتها وكمان نوع ردة الفعل
كلام كبير بس فى الاخر دايما والله حسن النية
شكرا ليكى
بصى يا ست مرمر
انا دايما مش دايما اوى يعنى عندى سوء النية بيسبق وللاسف بيطلع صح شفتى الحظوظ بئه هههههههه
بس حاليا باحاول ماشغلش بالى الكويس كويس لنفسة والوحش يولع بئه مع نفسة بردو المهم انى ميضحكش عليا او اطلع عبيطة فى الاخر ههههههه
سلام يا عسل
Che Ahmad
ايه يا عم انا الكلام ده
فعلا بس حرص ومتخونش معناها برده سوء النيه
بس عارف المشكله فى ايه يا جيفارا
انك على طول نيتك اسود من شعر راسك
فاكر اللى عملته يوم الحد
ههههههههههههه
بحسن نيه برده
هههههههههههههه
HaMaDa 3aFshA
حلوة حته سؤال صريح بس اجابه فيها لف ودوران
هههههههههههه
برده كلامك بيدل اننا نفترض سوء النيه الاول
ومبررنا اننا نكون عاملين حسابنا لو طلع اللى قدمنا وحش
عموما شكرا ليك
صفا
ههههههههههههههههه
والله انا كمان كده يا صفا
بس هنعمل ايه ؟
نصيبنا اننا هبل يا بنتى
هههههههههههههههههههه
مشتمتكيش لوحدك اهو وشتمت نفسى معاكى
يعنى الشتيمه على اتنين
ههههههههههههههههههه
منورة يا صفا
Post a Comment